കോതമംഗലം: റവന്യൂ ജില്ലാ സ്കൂൾ കായികമേളയുടെ ആദ്യദിനത്തില് മൂന്നു പേര്ക്ക് ഇരട്ട സ്വര്ണ നേട്ടം. കീരംപാറ സെന്റ് സ്റ്റീഫന്സ് ഗേള്സ് ഹൈസ്കൂളിലെ അദബിയ ഫര്ഹാന്, മൂക്കന്നൂര് സേക്രഡ് ഹാര്ട്ട് ഓര്ഫനേജ് എച്ച്എസിലെ ജെസ്വിന് ജോയ്, കോതമംഗലം മാര് ബേസില് എച്ച്എസ്എസിലെ സി.ആര്. നിത്യ എന്നിവരാണ് ഇന്നലെ ഇരട്ട സ്വര്ണം സ്വന്തമാക്കിയത്.
ജൂണിയര് പെണ്കുട്ടികളുടെ ലോംഗ് ജംപിലും 100 മീറ്ററിലുമാണ് അദബിയ ഫര്ഹാന് ഒന്നാമതെത്തിയത്. ലോംഗ് ജംപിൽ 5.29 മീറ്റര് ദൂരം ചാടിയ അദബിയ 100 മീറ്റര് 12.8 സെക്കന്ഡില് ഫിനിഷ് ചെയ്തു. ജൂണിയര് ആൺകുട്ടികളുടെ 800 മീറ്റര്, 3000 മീറ്റര് ഇനങ്ങളിലാണ് ജെസ്വിന് ജോയ് സ്വര്ണം നേിടയത്. രണ്ട് മിനിട്ട് 17.7 സെക്കൻഡില് 800 മീറ്റര് ഫിനിഷ് ചെയ്ത ജെസ്വിന് 3000 മീറ്റര് 10 മിനിട്ട് 20.1 സെക്കൻഡില് ഓടിയെത്തി. സീനിയര് പെണ്കുട്ടികളുടെ 800 മീറ്റര് രണ്ട് മിനിട്ട് 51.5 സെക്കൻഡിലും 3000 മീറ്റര് 13 മിനിറ്റ് 43.7 സെക്കൻഡിലും ഫിനിഷ് ചെയ്താണ് നിത്യ ഇരട്ടസ്വര്ണം സ്വന്തമാക്കിയത്.