അ​ങ്ക​മാ​ലി അ​ര്‍​ബ​ന്‍ ബാ​ങ്ക് വാ​യ്പാ ത​ട്ടി​പ്പ്: ജ​പ്തി ന​ട​പ​ടി​ക​ള്‍ തു​ട​ങ്ങി
Monday, October 21, 2024 1:40 AM IST
അ​ങ്ക​മാ​ലി: അ​ര്‍​ബ​ന്‍ സ​ഹ​ക​ര​ണ ബാ​ങ്കി​ല്‍ ന​ട​ന്ന വാ​യ്പാ ത​ട്ടി​പ്പു​മാ​യി ബ​ന്ധ​പ്പെ​ട്ട് ജ​പ്തി ന​ട​പ​ടി​ക​ള്‍ തു​ട​ങ്ങി. സ​ഹ​ക​ര​ണ വ​കു​പ്പ് 78, ച​ട്ടം 93 പ്ര​കാ​ര​മു​ള്ള ജ​പ്തി ന​ട​പ​ടി​ക​ള്‍​ക്ക് ജി​ല്ലാ ജോ​യി​ന്‍റ് ര​ജി​സ്ട്രാ​റാ​ണ് ഉ​ത്ത​ര​വി​ട്ട​ത്. വാ​യ്പ​യെ​ടു​ത്ത് കു​ടി​ശി​ഖ വ​രു​ത്തി​യ ഡ​യ​റ​ക്ട​ര്‍ ബോ​ര്‍​ഡ് അം​ഗം ഉ​ള്‍​പ്പെ​ടെ മൂ​ന്നു പേ​രു​ടെ വ​സ്തു​വ​ക​ക​ളാ​ണ് ആ​ദ്യ​ഘ​ട്ട​മാ​യി ജ​പ്തി ചെ​യ്യാ​ന്‍ ഉ​ത്ത​ര​വാ​യി​രി​ക്കു​ന്ന​ത്.

സം​ഘ​ത്തി​ല്‍ 96 കോ​ടി​യോ​ളം രൂ​പ​യു​ടെ വാ​യ്പാ ത​ട്ടി​പ്പ് ന​ട​ന്ന​താ​യാ​ണ് ക​ണ്ടെ​ത്ത​ല്‍. വ്യാ​ജ ലോ​ണ്‍ ത​ര​പ്പെ​ടു​ത്തി​യ​വ​രു​ടെ​യും വാ​യ്പ തു​ക തി​രി​ച്ച​ട​യ്ക്കാ​ത്ത​വ​രു​ടെ​യും വി​വ​ര​ങ്ങ​ള്‍ പൂ​ര്‍​ണ​മാ​യും ക്രൈം​ബ്രാ​ഞ്ച് ശേ​ഖ​രി​ച്ചു​ക​ഴി​ഞ്ഞു. ഇ​വ​രു​ടെ പേ​രി​ല്‍ സി​വി​ൽ, ക്രി​മി​ന​ൽ ന​ട​പ​ടി​ക​ള്‍ തു​ട​ങ്ങി​യി​ട്ടു​ണ്ട്. സം​ഘ​ത്തി​ലെ ഡ​യ​റ​ക്ട​ര്‍ ബോ​ര്‍​ഡം​ഗ​ങ്ങ​ളു​ടെ ജാ​മ്യം ഹൈ​ക്കോ​ട​തി നി​ഷേ​ധി​ച്ച​തി​നെ​ത്തു​ട​ര്‍​ന്ന് ക​ഴി​ഞ്ഞ ദി​വ​സം ക്രൈം​ബ്രാ​ഞ്ച് ഉ​ദ്യോ​ഗ​സ്ഥ​ര്‍ ഡ​യ​റ​ക്ട​ര്‍ ബോ​ര്‍​ഡം​ഗ​ങ്ങ​ളു​ടെ വീ​ടു​ക​ളി​ല്‍ റെ​യ്ഡ് ന​ട​ത്തി​യി​രു​ന്നു. ബോ​ര്‍​ഡം​ഗ​ങ്ങ​ള്‍ പ​ല​രും ഒ​ളി​വി​ലാ​ണെ​ന്നാ​ണ് വി​വ​രം.


നി​ക്ഷേ​പി​ച്ച പ​ണം തി​രി​കെ ല​ഭി​ക്കാ​ത്ത​തി​നെ​ത്തു​ട​ര്‍​ന്ന് ആ​യി​ര​ത്തി അ​ഞ്ഞൂ​റോ​ളം വ​രു​ന്ന നി​ക്ഷേ​പ​ക​ര്‍ ചേ​ര്‍​ന്ന് നി​ക്ഷേ​പ സം​ര​ക്ഷ​ണ സ​മി​തി രൂ​പീ​ക​രി​ച്ച് സ​മ​രം ന​ട​ത്തി​വ​രി​ക​യാ​ണ്. സ​മ​രം സെ​ക്ര​ട്ട​റി​യേ​റ്റി​ലേ​ക്ക് വ്യാ​പി​പ്പി​ക്കു​മെ​ന്ന് സ​മി​തി ഭാ​ര​വാ​ഹി​ക​ള്‍ അ​റി​യി​ച്ചു.