കാക്കനാട്: തൃപ്പൂണിത്തുറയിൽ നിന്നും ആലുവയിലേക്കുള്ള കെഎസ്ആർടിസി ബസിൽ യാത്ര ചെയ്ത കാക്കനാട് സ്വദേശിനിയുടെ ബാഗിൽ നിന്നും 4,700 രൂപ മോഷ്ടിച്ച കേസിൽ മധുര എംജിആർ കോളനി സ്വദേശിനി മാരി(30)യെ കാക്കനാട് നിന്നും തൃക്കാക്കര പോലീസ് അറസ്റ്റ ചെയ്തു.
കാക്കനാട് ഇറങ്ങാനായി എഴുന്നേറ്റ യാത്രക്കാരിയുടെ ബാഗിൽ നിന്നാണ് യുവതി പണം അപഹരിച്ചത്. പണം നഷ്ടപ്പെട്ടതറിഞ്ഞ യാത്രക്കാരി പരാതി നൽകിയതിനെ തുടർന്ന് നടത്തിയ തെരച്ചിലിലാണ് യുവതിയെ കാക്കനാട് നിന്നും പിടികൂടിയത്. തൃക്കാക്കര സിഐ എ.കെ. സുധീറിന്റെ നേതൃത്വത്തിൽ എസ്ഐമാരായ വി.ബി. അനസ്, ബൈജു, എ.എസ്.ഐ. പ്രീത, ഓഫീസർമാരായ സുജിത്ത്, അനുശ്രീ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.