കോതമംഗലം: ടിപ്പർ ലോറിയുടെ കാബിനിടയിൽ കുരുങ്ങി യുവാവ് മരിച്ചു. ആയക്കാട് കളരിക്കൽ പരേതനായ കുര്യാക്കോസിന്റെ മകൻ ബേസിൽ കുര്യാക്കോസ് (40) ആണ് മരിച്ചത്. ആയക്കാട് പുലിമലയിലായിൽ ഞായറാഴ്ചയായിരുന്നു അപകടം.
ലോറിയിൽ നിന്നു ലോഡിറക്കിയ ശേഷം ടിപ്പർ താഴ്ത്തുന്പോൾ സർവീസ് വയർ കുരുങ്ങി. സഹായത്തിനെത്തിയ ബേസിൽ കാബിനു മുകളിൽ കയറി സർവീസ് വയർ ഉയർത്തിയപ്പോൾ ലിവറിൽ ചവിട്ടിയതോടെ ടിപ്പർ താഴുകയായിരുന്നു. സംസ്കാരം നടത്തി. അമ്മ: മേരി. സഹോദരൻ: ബിനു.