കോലഞ്ചേരി: കടന്നലിന്‍റെ കുത്തേറ്റ വീട്ടമ്മ മരിച്ചു. മോളേൽ തൊമ്മൻ ജോസഫിന്റെ ഭാര്യ മറിയാമ്മ (മറിയക്കുട്ടി -72) ആണ് മരിച്ചത്. കഴിഞ്ഞ ശനിയാഴ്ച ഉച്ചയ്ക്ക് വീടിനു സമീപത്തുവച്ചാണ് കടന്നലിന്‍റെ കുത്തേറ്റത്. കടന്നലിന്‍റെ ആക്രമണത്തിനിരയായ ആടിന്‍റെ കരച്ചിൽ കേട്ട് എത്തിയപ്പോൾ മറിയാമ്മയെയും കടന്നൽ ആക്രമിക്കുകയായിരുന്നു.
കോലഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലിരിക്കെ ഇന്നലെ വൈകിട്ട് നാലരയോടെ മരിച്ചു. കടന്നൽ കുത്തേറ്റ ആട് അപ്പോൾ തന്നെ ചത്തിരുന്നു. മറിയാമ്മയുടെ സംസ്കാരം നാളെ രണ്ടിന് കടമറ്റം സെന്‍റ് ജോർജ് ഓർത്തഡോക്സ് പള്ളിയിൽ. മക്കൾ: ഡോ. എം.ജെ. കുര്യൻ (ബിപിസി കോളജ് പിറവം), അനി ജോസഫ് (യുഎസ്). മരുമക്കൾ: എം.പി. ബിന്ദു (മാർ ബേസിൽ എച്ച്എസ്എസ് കോതമംഗലം), പി.പി. ഏലിയാസ് പുതിയാന്പുറത്ത് മണീട് (യുഎസ്).