കോതമംഗലം : എന്‍റെ നാട് ജനകീയ കൂട്ടായ്മയുടെ നേതൃത്വത്തിൽ കോതമംഗലം അസംബ്ലി മണ്ഡലത്തിൽ നടത്തുന്ന ജനസന്പർക്ക പരിപാടിയുടെ ഭാഗമായി നടന്ന നേതൃസംഗമം ചെയർമാൻ ഷിബു തെക്കുംപുറം ഉദ്ഘാടനം ചെയ്തു. കോതമംഗലം അസംബ്ലി മണ്ഡലത്തിലെ 159 ബൂത്ത് കമ്മിറ്റികളിൽ നിന്നുള്ള എന്‍റെ നാട് ഭാരവാഹികളും ബൂത്ത് തല കോ-ഓർഡിനേറ്റർമാരുമാണ് സംഗമത്തിൽ പങ്കെടുത്തത്.
30 മുതൽ അടുത്തമാസം മൂന്ന് വരെ എന്‍റെ നാട് പ്രവർത്തകർ മണ്ഡലത്തിലെ മുഴുവൻ ഭവനങ്ങളും സന്ദർശിച്ച് രോഗികളായവരുടെയും മറ്റ് കഷ്ടതയനുഭവിക്കുന്നവരുടെയും വിവരങ്ങൾ ശേഖരിക്കുന്നതിന്‍റെ മുന്നോടിയായിട്ടാണ് നേതൃസംഗമം നടത്തിയത്. ജോർജ് അന്പാട്ട് അധ്യക്ഷത വഹിച്ചു. സി.ജെ എൽദോസ്, ജയിംസ് കോറന്പേൽ, ജോഷി കുര്യാക്കോസ്, എൽദോസ് വർഗീസ്, പി.എ. പാദുഷ, സി.കെ. സത്യൻ എന്നിവർ പ്രസംഗിച്ചു.