കോതമംഗലം: ഇഞ്ചത്തൊട്ടി പ്രദേശത്ത് വന്യമൃഗശല്യം രൂക്ഷമായി തുടരുന്ന സാഹചര്യത്തിൽ ഇഞ്ചത്തൊട്ടി ഫോറസ്റ്റ് സെക്ഷൻ ഓഫീസിന് പുതിയ വാഹനം നൽകി. ഇഞ്ചത്തൊട്ടിയിൽ നടന്ന ചടങ്ങിൽ ആന്‍റണി ജോണ്‍ എംഎൽഎ ഫ്ളാഗ് ഓഫ് നിർവഹിച്ചു. കുട്ടന്പുഴ പഞ്ചായത്ത് പ്രസിഡന്‍റ് കാന്തി വെള്ളക്കയ്യൻ, മൂന്നാർ അസിസ്റ്റന്‍റ് ഫോറസ്റ്റ് കണ്‍സർവേറ്റർ ജോബ് ജെ. നേര്യാംപറന്പിൽ, കോതമംഗലം അസിസ്റ്റന്‍റ് കൃഷി ഡയറക്ടർ പ്രിയമോൾ തോമസ്, ജില്ലാ പഞ്ചായത്തംഗം കെ.കെ. ദാനി, കെ.എഫ്. ഷഹനാസ്, കെ.കെ. ഗോപി, മിനി മനോഹരൻ, കെ.കെ. ശിവൻ, ജി.ജി. സന്തോഷ് എന്നിവർ പങ്കെടുത്തു. വന്യമൃഗശല്യം പ്രതിരോധിക്കുന്നതിന് ഇഞ്ചത്തൊട്ടിയിൽ 11 കിലോമീറ്റർ ദൂരത്തിൽ ഫെൻസിംഗിന്‍റെ നിർമാണ പ്രവർത്തനങ്ങളും ആരംഭിച്ചിട്ടുണ്ട്.