കാലടി: അങ്കമാലി ഉപജില്ലാ കലോത്സവത്തിൽ കാലടി ബ്രഹ്മാനന്ദോദയം സ്കൂൾ ഓവറോൾ കിരീടം നേടി. കുറ്റിപ്പുഴ സിആർഎച്ച്എസ് സ്കൂളിനാണ് രണ്ടാം സ്ഥാനം.
അങ്കമാലി ബ്ലോക്ക് പഞ്ചായത്ത് പ്രസിഡന്റ് കൊച്ചുത്രേസ്യ തങ്കച്ചൻ സമാ പന സമ്മേളനം ഉദ്ഘാടനം ചെയ്തു. കാലടി ഗ്രാമപഞ്ചായത്ത് പ്രസിഡന്റ് ഷൈജൻ തോട്ടപ്പിള്ളി അധ്യക്ഷനായി. പാറക്കടവ് ബ്ലോക്ക് പഞ്ചായത്ത് പ്രസിഡന്റ് ടി.വി. പ്രതീഷ് മുഖ്യപ്രഭാഷണവും സ്കൂൾ മാനേജർ സ്വാമി ശ്രീവിദ്യാനന്ദ അനുഗ്രഹ പ്രഭാഷണവും നടത്തി അങ്കമാലി നഗരസഭ ചെയർമാൻ മാത്യു തോമസ് വിജയികൾക്കുള്ള പുരസ്കാരങ്ങൾ വിതരണം ചെയ്തു.