ഗതാഗതക്കുരുക്കിന് പരിഹാരമായി സി​ങ്കന​ല്ലൂ​രി​ൽ പു​തി​യ മേ​ൽ​പ്പാ​ലം വരുന്നു
Tuesday, October 22, 2024 1:38 AM IST
കോ​യ​മ്പ​ത്തൂ​ർ: കോ​യ​മ്പ​ത്തൂ​രി​ൽ വ​ർ​ധി​ച്ചു​വ​രു​ന്ന ഗ​താ​ഗ​ത പ്ര​ശ്‌​ന​ങ്ങ​ൾ പ​രി​ഹ​രി​ക്കു​ന്ന​തി​ന്‍റെ ഭാ​ഗ​മാ​യി സി​ങ്ക​ന​ല്ലൂ​രി​ൽ പു​തി​യ മേ​ൽ​പ്പാ​ലം നി​ർ​മി​ക്കു​ന്ന​തി​ന് ദേ​ശീ​യ​പാ​ത അ​ഥോ​റി​റ്റി ടെ​ൻ​ഡ​ർ ക്ഷ​ണി​ച്ചു. 100 കോ​ടി രൂ​പ ചെ​ല​വ് ക​ണ​ക്കാ​ക്കു​ന്ന​താ​ണ് പ​ദ്ധ​തി. നാ​ല് പ്ര​ധാ​ന​റോ​ഡു​ക​ൾ സം​ഗ​മി​ക്കു​ന്ന ഈ ​ജം​ഗ്ഷ​നി​ലെ രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് ല​ഘൂ​ക​രി​ക്കാ​നാ​ണ് ല​ക്ഷ്യ​മി​ടു​ന്ന​ത്.

സി​ങ്ക​ന​ല്ലൂ​ർ ബ​സ് സ്റ്റാ​ൻ​ഡി​ൽ നി​ന്നു​ള്ള വാ​ഹ​ന​ങ്ങ​ളും ഒ​ണ്ടി​പ്പു​തൂ​രി​ൽ നി​ന്നു​ള്ള ദീ​ർ​ഘ​ദൂ​ര ബ​സു​ക​ളും പീ​ള​മേ​ട്, ഉ​ക്ക​ടം ഭാ​ഗ​ത്തേ​ക്ക് പോ​കു​ന്ന വാ​ഹ​ന​ങ്ങ​ളും ഈ ​സ്ഥ​ല​ത്താ​ണ് സം​ഗ​മി​ക്കു​ന്ന​ത്. അ​ടു​ത്തി​ടെ യു ടേ​ൺ സൗ​ക​ര്യം കൂ​ടി ഉ​ൾ​പ്പെ​ടു​ത്തി​യെ​ങ്കി​ലും പ്ര​ദേ​ശ​ത്ത് രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് തു​ട​രു​ക​യാ​ണ്. പ​ദ്ധ​തി​യു​ടെ രൂ​പ​രേ​ഖ പ്ര​കാ​രം സി​ങ്ക​ന​ല്ലൂ​ർ ബ​സ് സ്റ്റാ​ൻ​ഡ് ജം​ഗ്ഷ​ൻ മു​ത​ൽ 2.4 കി​ലോ​മീ​റ്റ​ർ ദൂ​ര​ത്തി​ലാ​ണ് മേ​ൽ​പ്പാ​ലം. നി​ർ​മാ​ണ പ്ര​വ​ർ​ത്ത​ന​ങ്ങ​ൾ ത്വ​രി​ത​പ്പെ​ടു​ത്തു​ന്ന​തി​ന് ട്രി​ച്ചി റോ​ഡി​ന്‍റെ ഇ​രു​വ​ശ​ങ്ങ​ളി​ലു​മു​ള്ള പാ​ത​യോ​ര​ത്തെ കൈ​യേ​റ്റ​ങ്ങ​ൾ ഒ​ഴി​പ്പി​ക്കാ​നാ​ണ് അ​ധി​കൃ​ത​രു​ടെ തീ​രു​മാ​നം.


ടെ​ൻ​ഡ​ർ ല​ഭി​ച്ചാ​ൽ ഉ​ട​ൻ പ​ണി​തു​ട​ങ്ങാ​ൻ ത​യ്യാ​റാ​ണെ​ന്നും മ​ണ്ണ്പ​രി​ശോ​ധ​ന പൂ​ർ​ത്തി​യാ​യെ​ന്നും അ​ടു​ത്ത 18 മാ​സ​ത്തി​നു​ള്ളി​ൽ പ​ദ്ധ​തി പൂ​ർ​ത്തി​യാ​ക്കി പൊ​തു​ജ​ന​ങ്ങ​ൾ​ക്കാ​യി തു​റ​ന്നു കൊ​ടു​ക്കു​മെ​ന്നും ഹൈ​വേ ഡി​പ്പാ​ർ​ട്ട്‌​മെ​ന്‍റ് ഡി​വി​ഷ​ണ​ൽ എ​ൻ​ജി​നീ​യ​ർ ധ​ന​പാ​ൽ പ​റ​ഞ്ഞു. ഈ ​മേ​ൽ​പ്പാ​ലം പ്ര​ദേ​ശ​ത്തെ ഗ​താ​ഗ​ത​ക്കു​രു​ക്ക് ഗ​ണ്യ​മാ​യി കു​റ​യ്ക്കും.