4ജില്ലാ സ്‌കൂള്‍ കായികമേളയ്ക്ക് കോതമംഗലത്ത് നാളെ തുടക്കമാകും
കോതമംഗലം: 21-ാമത് എറണാകുളം ജില്ലാ സ്‌കൂള്‍ കായിക മേള നാളെ കോതമംഗലം എംഎ കോളജ് ഗ്രൗണ്ടില്‍ ആരംഭിക്കും. 14 ഉപജില്ലകളില്‍ നിന്നായി 2500ഓളം വിദ്യാര്‍ഥികള്‍ പങ്കെടുക്കും. രാവിലെ 9.30ന് ജില്ലാ വിദ്യാഭ്യാസ ഉപഡയറക്ടര്‍ ഹണി ജി. അലക്‌സാണ്ടര്‍ പതാക ഉയര്‍ത്തും. തുടര്‍ന്ന് ആന്‍റണി ജോണ്‍ എംഎല്‍എ ഉദ്ഘാടനം ചെയ്യും. നഗരസഭാ അധ്യക്ഷന്‍ കെ.കെ. ടോമി അധ്യക്ഷത വഹിക്കും.
എംഎല്‍എമാരായ മാത്യു കുഴല്‍നാടന്‍, എല്‍ദോസ് കുന്നപ്പിള്ളി, പി.വി. ശ്രീനിജിന്‍, കെ.ജെ. മാക്‌സി, ജില്ലാ പഞ്ചായത്ത് പ്രസിഡന്‍റ് മനോജ് മൂത്തേടന്‍ തുടങ്ങിയവർ പ്രസംഗിക്കും.
സബ് ജൂണിയര്‍, ജൂണിയര്‍, സീനിയര്‍ വിഭാഗങ്ങളിലായി 112 ഇനങ്ങളില്‍ മത്സരങ്ങളുണ്ടാകും. 23ന് വൈകിട്ട് നാലിന് സമാപന സമ്മേളനം ഡീന്‍ കുര്യാക്കോസ് എംപി ഉദ്ഘാടനം ചെയ്യും. കായിക മേളയുടെ നടത്തിപ്പിനു വിവിധ കമ്മിറ്റികൾ പ്രവർത്തിക്കുന്നുണ്ട്. ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു.
കായികമേളയില്‍ നാളെ
3000 മീറ്റര്‍ ഓട്ടം (സീനിയര്‍ ബോയ്‌സ്, ഗേള്‍സ്, ജൂണിയര്‍ ബോയ്‌സ്), ലോംഗ് ജംപ് (സബ് ജൂണിയര്‍ ബോയ്‌സ്), ഷോട്ട്പുട്ട് (ജൂണിയര്‍ ഗേള്‍സ്),ഡിസ്‌കസ് ത്രോ (ജൂണിയര്‍ ബോയ്‌സ്), ഹൈ ജംപ് (സബ് ജൂണിയര്‍ ഗേള്‍സ്), പോള്‍ വാള്‍ട്ട് (ജൂണിയര്‍ ഗേള്‍സ്, സീനിയര്‍ ഗേള്‍സ്), 3000 മീറ്റര്‍ ഓട്ടം (ജൂണിയര്‍ ഗേള്‍സ്), 600 മീറ്റര്‍ ഓട്ടം ഹീറ്റ്‌സ് (സബ് ജൂണിയര്‍ ബോയ്‌സ്, ഗേള്‍സ്), 800 മീറ്റര്‍ ഓട്ടം ഹീറ്റ്‌സ് (ജൂണിയര്‍ ബോയ്‌സ്, ഗേള്‍സ്), ഡിസ്‌കസ് ത്രോ (സീനിയര്‍ ബോയ്‌സ്), ജാവലിന്‍ ത്രോ (സീനിയര്‍ ഗേള്‍സ്), ഷോട്ട്പുട്ട് (സബ് ജൂണിയര്‍ ബോയ്‌സ്), ഹൈ ജംപ് (ജൂണിയര്‍ ബോയ്‌സ്), ലോംഗ് ജംപ് (ജൂണിയര്‍ ഗേള്‍സ്), 800 മീറ്റര്‍ ഓട്ടം ഹീറ്റ്‌സ് (സീനിയര്‍ ബോയ്‌സ്, സീനിയര്‍ ഗേള്‍സ്), 100 മീറ്റര്‍ ഓട്ടം ഹീറ്റ്‌സ് (സബ് ജൂണിയര്‍ ബോയ്‌സ്, ഗേള്‍സ്, ജൂണിയര്‍ ബോയ്‌സ്, ഗേള്‍സ്, സീനിയര്‍ ബോയ്‌സ്, സീനിയര്‍ ഗേള്‍സ്), 100 മീറ്റര്‍ ഓട്ടം (സബ് ജൂണിയര്‍ ബോയ്‌സ്), ഡിസ്‌കസ് ത്രോ (സബ് ജൂണിയര്‍ ഗേള്‍സ്), ജാവലിന്‍ ത്രോ (ജൂണിയര്‍ ഗേള്‍സ്), ഹൈ ജംപ് (സീനിയര്‍ ബോയ്‌സ്), ലോംഗ് ജംപ് (സീനിയര്‍ ഗേള്‍സ്), ഷോട്ട്പുട്ട് (ജൂണിയര്‍ ബോയ്‌സ്), 100 മീറ്റര്‍ ഓട്ടം ഫൈനല്‍ (സബ് ജൂണിയര്‍ ഗേള്‍സ്, ജൂണിയര്‍ ബോയ്‌സ്, ഗേള്‍സ്, സീനിയര്‍ ബോയ്‌സ്, സീനിയര്‍ ഗേള്‍സ്), 600 മീറ്റര്‍ ഓട്ടം (സബ് ജൂണിയര്‍ ഗേള്‍സ്), 800 മീറ്റര്‍ ഓട്ടം (ജൂണിയര്‍ ബോയ്‌സ്, ഗേള്‍സ്, സീനിയര്‍ ബോയ്‌സ്, ഗേള്‍സ്), 4X400 മീറ്റര്‍ ഓട്ടം ഹീറ്റ്‌സ് (ജൂണിയര്‍ ബോയ്‌സ്, ഗേള്‍സ്, സീനിയര്‍ ബോയ്‌സ്, ഗേള്‍സ്).