മൂവാറ്റുപുഴ: യുവദീപ്തി-കെസിവൈഎം കോതമംഗലം രൂപതയുടെ അർധ വാർഷിക കൗണ്സിൽ വാഴക്കാല യൂണിറ്റിൽ നടന്നു. എസ്എംവൈഎം സംസ്ഥാന പ്രസിഡന്റ് അലക്സ് തോമസ് കൗണ്സിൽ ഉദ്ഘാടനം ചെയ്തു. രൂപത പ്രസിഡന്റ് ജെറിൻ വർഗീസ് അധ്യക്ഷത വഹിച്ചു. രൂപത ഡയറക്ടർ ഫാ. സെബാസ്റ്റ്യൻ വള്ളോപ്പിള്ളിൽ ആമുഖ പ്രഭാഷണം നടത്തി. യൂണിറ്റ് ഡയറക്ടർ ഫാ. ജോണ് മുണ്ടക്കൽ അനുഗ്രഹ പ്രഭാഷണം നടത്തി. കെസിവൈഎം സംസ്ഥാന വൈസ് പ്രസിഡന്റ് അനു ഫ്രാൻസിസ്, രൂപത അസിസ്റ്റന്റ് ഡയറക്ടർ ഫാ. ജോർജ് പീച്ചാനികുന്നേൽ, രൂപത ആനിമേറ്റർ സിസ്റ്റർ റെറ്റി, ഹെൽഗ കെ. ഷിബു, രൂപത സെക്രട്ടറി എബിൻ ഫിലിപ്പ് എന്നിവർ പ്രസംഗിച്ചു. 14 ഫൊറോനകളിൽ നിന്നായി 90 യുവജനങ്ങൾ കൗണ്സിലിൽ പങ്കെടുത്തു.