കൊച്ചി: രാജഗിരി സെന്‍റര്‍ ഫോര്‍ ബിസിനസ് സ്റ്റഡീസിന്‍റെ നേതൃത്വത്തില്‍ സംഘടിപ്പിച്ച മാനേജ്മെന്റ് ഫെസ്റ്റ് 'ഇന്ഫ്ളോറെ-24' സമാപിച്ചു. കാക്കനാട് രാജഗിരി കാമ്പസിൽ നടന്ന ഫെസ്റ്റിൽ, രാജ്യത്തിന്‍റെ വിവിധ ഭാഗങ്ങളില്‍നിന്നുള്ള കോളജുകളിലെ മൂവായിരത്തോളം വിദ്യാര്‍ഥികള്‍ പങ്കെടുത്തു.
മാനേജ്മെന്റ് ഇതര മത്സരങ്ങളില്‍ തേവര സേക്രഡ് ഹാര്‍ട്ട് കോളജ് ഓവറോള്‍ ചാന്പ്യൻമാരായി. റവ.ഡോ. എം.ഡി. സാജു വിജയികള്‍ക്ക് ട്രോഫി സമ്മാനിച്ചു. രാജഗിരി വാലി കാമ്പസ് അസി. ഡയറക്ടര്‍ റവ. ഡോ. ഫ്രാന്‍സിസ് സെബാസ്റ്റ്യന്‍, ഫാക്കല്‍റ്റി കോ -ഓര്‍ഡിനേറ്റര്‍ ഡോ. സൂസന്‍ മാത്യു, ചെയര്‍പേഴ്സണ്‍ വി.എസ്. അര്‍ജുൻ തുടങ്ങിയവര്‍ പ്രസംഗിച്ചു.