ചെറായി: എൽകെജി വിദ്യാർഥിനിയെ വീടിനു മുന്നിലെ തോട്ടിൽ മുങ്ങി മരിച്ചനിലയിൽ കണ്ടെത്തി. എടവനക്കാട് പഴങ്ങാട് കിഴക്ക് പെരുന്പടപ്പിൽ ഷാമോന്റെ മകൾ ശിവതീർത്ഥ (അഞ്ച്) ആണ് മരിച്ചത്. ഇന്നലെ ഉച്ചയ്ക്ക് 12ഓടെയായിരുന്നു സംഭവം.
വീടിനു മുന്നിൽ കളിച്ചുകൊണ്ടിരിക്കെ കാണാതായ കുട്ടിക്കായി അന്വേഷണം നടത്തുന്നതിനിടെ സമീപത്തെ തോട്ടിൽ മരിച്ചനിലയിൽ കണ്ടെത്തുകയായിരുന്നു. ആശുപത്രിയിലെത്തിച്ച് മരണം സ്ഥിരീകരിച്ചത്. സംസ്കാരം ഇന്ന് നടക്കും. അമ്മ: ചിന്നു. സഹോദരങ്ങൾ: ആദ്യദേവ്, ശിവനന്ദ.