കരുമാലൂർ: മാഞ്ഞാലി തെക്കേത്താഴം കവലയിൽ സ്ഥാപിച്ച ഹൈമാസ്റ്റ് ലൈറ്റിന്റെ സ്വിച്ച് ഓൺ കർമം ഹൈബി ഈഡൻ എംപി നിർവഹിച്ചു. പഞ്ചായത്ത് പ്രസിഡന്റ് ശ്രീലത ലാലു അധ്യക്ഷയായി. എംപിയുടെ പ്രദേശിക വികസന ഫണ്ടിൽ ഉൾപ്പെടുത്തിയാണ് ഹൈമാസ്റ്റ് ലൈറ്റ് സ്ഥാപിച്ചത്. ബ്ലോക്ക് പഞ്ചായത്തംഗം വി.പി. അനിൽകുമാർ, പഞ്ചായത്തംഗങ്ങളായ ടി.എ. മുജീബ്, കെ.എ. ജോസഫ്, കാർഷിക വികസന ബാങ്ക് എക്സി. ഡയറക്ടർ ടി.എ. നവാസ്, താലൂക്ക് കാർഷിക ഗ്രാമവികസന ബാങ്ക് വൈസ് പ്രസിഡന്റ് കെ.വി. പോൾ, മാഞ്ഞാലി സഹ. ബാങ്ക് പ്രസിഡന്റ് പി.എ. സക്കീർ, കെ.ആർ. നന്ദകുമാർ, എ.ബി. അബ്ദുൾ ഖാദർ തുടങ്ങിയവർ പ്രസംഗിച്ചു.