പറവൂർ: ഇരുട്ടുകുത്തി വള്ളങ്ങൾ മാറ്റുരച്ച പുത്തൻവേലിക്കര ജലോത്സവത്തിൽ സെന്റ് സെബാസ്റ്റ്യൻ ഒന്നാമനും മടപ്ലാന്തുരുത്തും ജേതാക്കൾ. എ ഗ്രേഡ് ഫൈനലിൽ സെന്റ് സെബാസ്റ്റ്യൻ ഒന്നാമൻ തുരുത്തിപ്പുറത്തെ പരാജയപ്പെടുത്തി. ബി ഗ്രേഡിലെ കലാശപ്പോരിൽ മടപ്ലാതുരുത്ത് പമ്പാവാസനെ തോൽപിച്ചു.
ബിബിസി പുത്തൻവേലിക്കര സംഘാടകരായ ജലോത്സവം സ്റ്റേഷൻകടവിലാണ് നടന്നത്. പ്രതിപക്ഷനേതാവ് വി.ഡി. സതീശൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് റോസി ജോഷി അധ്യക്ഷയായി. ചില്ലി ഔട്ട് കഫേ എംഡി പിയറി അബാൾ ഫ്ലാഗ്ഓഫ് ചെയ്തു. കുരുന്നിലായ്ക്കൽ ഭഗവതി ക്ഷേത്രം മേൽശാന്തി സിബിൻ രാജ് തുഴ കൈമാറി. വി.പി. ഗോപകുമാർ, എ.എസ്.അ നിൽകുമാർ, വി.ടി. സലീഷ്, അജല പുരുഷൻ, എ.ആർ. ശ്രീജിത്ത്, പി.കെ. ഉല്ലാസൻ, എം.യു. സന്തോഷ്, വി.കെ. സന്തോഷ്, കെ.പി. ബാബു തുടങ്ങിയവർ പ്രസംഗിച്ചു. ജേതാക്കൾക്ക് പുത്തൻവേലിക്കര സിഐ വിക്കി ജോസഫ് ട്രോഫികൾ നൽകി.