ഏറ്റുമാനൂർ: നിരവധി ക്രിമിനൽ കേസുകളിൽ പ്രതിയായ യുവാവിനെ കാപ്പ ചുമത്തി ജില്ലയില്നിന്നും പുറത്താക്കി. അതിരമ്പുഴ കാട്ടാത്തി വലിയതടത്തിൽ ഡെൽവിൻ ജോസഫി (26)നെയാണ് കാപ്പാ നിയമപ്രകാരം ജില്ലയിൽനിന്ന് ഒരു വര്ഷത്തേക്ക് നാടുകടത്തി ഉത്തരവായത്.
ജില്ലാ പോലീസ് ചീഫ് എ. ഷാഹുല് ഹമീദിന്റെ റിപ്പോർട്ടിന്റെ അടിസ്ഥാനത്തിലാണ് നടപടി. ഇയാൾക്ക് ഏറ്റുമാനൂർ, കുറവിലങ്ങാട് സ്റ്റേഷനുകളില് അടിപിടി, കൊലപാതക ശ്രമം, കവർച്ച, സർക്കാർ ഉദ്യോഗസ്ഥരെ ആക്രമിക്കൽ തുടങ്ങിയ ക്രിമിനൽ കേസുകൾ നിലവിലുണ്ട്.