കോതമംഗലം: അയിരൂർപാടം ആമിന അബ്ദുൾ ഖാദർ കൊലപാതക കേസിലെ പ്രതികളെ കണ്ടെത്തുന്നതിനും നഷ്ടപ്പെട്ട മുതലുകൾ കണ്ടെത്തുന്നതിനും സംസ്ഥാന ക്രൈംബ്രാഞ്ച് ഊർജിതമായ അന്വേഷണം നടത്തിവരുന്നതായി മുഖ്യമന്ത്രി പിണറായി വിജയൻ നിയമസഭയിൽ അറിയിച്ചു.
നിലവിലെ അന്വേഷണ പുരോഗതിയെ സംബന്ധിച്ചും അന്വേഷണം വേഗത്തിലാക്കുന്നതിനെ സംബന്ധിച്ചുമുള്ള ആന്‍റണി ജോൺ എംഎൽഎയുടെ നിയമസഭാ ചോദ്യത്തിന് മറുപടിയായിട്ടാണ് മുഖ്യമന്ത്രി സഭയിൽ ഇക്കാര്യം വ്യക്തമാക്കിയത്.