പുൽപ്പള്ളി: ജീവകാരുണ്യ പ്രവർത്തനങ്ങളുടെ ഭാഗമായി മുള്ളൻകൊല്ലി സെന്റ് മേരീസ് ഫൊറോന ദേവാലയത്തിന്റെ നേതൃത്വത്തിൽ സുരഭിക്കവലയിൽ നിർധന കുടുംബത്തിന് വീട് നിർമിച്ചുനൽകി. അഞ്ചര ലക്ഷം രൂപ ചെലവിലാണ് 550 ചതുരശ്ര അടി വിസ്തീർണത്തിൽ വീട് നിർമിച്ചത്.
താക്കോൽ ദാനം വികാരി ഫാ. ജസ്റ്റിൻ മൂന്നനാൽ നിർവഹിച്ചു. ഫാ. അഖിൽ ഉപ്പുവീട്ടിൽ, ടോമി ഏബ്രഹാം, ഷാജി മുത്തുവാൻകുഴി, മാത്യു ഇളയിടത്തുമഠത്തിൽ, ഷാജി എന്നിവർ സന്നിഹിതരായിരുന്നു.