ജെ​സി​ബി ഉ​പ​യോ​ഗി​ച്ച് ബേ​ക്ക​റി​ ഇ​ടി​ച്ചുത​ക​ർ​ത്തു; അഞ്ചുലക്ഷം രൂപയുടെ നഷ്ടം
Thursday, October 17, 2024 12:46 AM IST
ചെ​ങ്ങ​ന്നൂ​ർ: വാ​ട​കെ​ട്ടി​ട​ത്തി​ൽ പ്ര​വ​ർ​ത്തി​ച്ചി​രു​ന്ന ബേ​ക്ക​റി​ ജെ​സി​ബി ഉ​പ​യോ​ഗി​ച്ച് ഇ​ടി​ച്ചുത​ക​ർ​ത്തു. ക​ട​യി​ലെ സാ​ധ​ന സാ​മ​ഗ്രി​ക​ൾ​ക്കു​ണ്ടാ​യ നാ​ശ​ന​ഷ്ടം അ​ഞ്ചു ല​ക്ഷ​ത്തി​ൽ പ​ര​മെ​ന്നാ​ണ് പ്രാ​ഥ​മി​ക ക​ണ​ക്ക്. ഇ​രു​മ്പ് ഷ​ട്ട​ർ വ​ലി​ച്ച് ഇ​ള​ക്കി​യ​തി​നെതു​ട​ർ​ന്ന് കെ​ട്ടി​ട​ത്തി​നും സാ​ര​മാ​യ കേ​ടു​പാ​ടു​ക​ൾ സം​ഭ​വി​ച്ചി​ട്ടു​ണ്ട്.

പു​ലി​യൂ​ർ വാ​ർ​ഡ് മൂ​ന്നി​ൽ പേ​രി​ശേ​രി അ​ക​മു​റ്റ​ത്ത് വീ​ട്ടി​ൽ മ​നോ​ജ് കു​മാ​റി (52)ന്‍റെ ​ഉ​ട​മ​സ്ഥ​ത​യി​ൽ 14 വ​ർ​ഷ​മാ​യി ചെ​ങ്ങ​ന്നൂ​ർ - പു​ലി​യൂ​ർ റോ​ഡി​ൽ മ​ഠ​ത്തും​പ​ടി ജം​ഗ്ഷ​നി​ൽ പ്ര​വ​ർ​ത്തി​ച്ചുവ​ന്ന വി​ഷ്ണു ബേ​ക്ക​റിയാ​ണ് ത​ക​ർ​ത്ത​ത്. ക​ഴി​ഞ്ഞ രാ​ത്രി​യാ​ണ് സം​ഭ​വം. പ​തി​വു​പോ​ലെ ചൊ​വ്വാ​ഴ്ച രാ​ത്രി പത്തിന് ക​ട അ​ട​ച്ചു വീ​ട്ടി​ൽ പോ​യ മ​നോ​ജി​നെ ബു​ധ​നാ​ഴ്ച പു​ല​ർ​ച്ചെ മൂ​ന്ന​ര​യോ​ടെ വ​ഴി​യാ​ത്ര​ക്കാ​ര​നാ​യ ഒ​രു പ​രി​ച​യ​ക്കാ​ര​ൻ ഫോ​ണി​ൽ വി​ളി​ച്ചു പ​റ​യു​മ്പോ​ഴാ​ണ് ക​ട​ത​ക​ർ​ത്ത വി​വ​രം അ​റി​യു​ന്ന​ത്. ഉ​ട​ൻ ത​ന്നെ സ്ഥ​ല​ത്തു വ​ന്നു നോ​ക്കു​മ്പോ​ൾ ക​ണ്ട കാ​ഴ്ച ഞെ​ട്ടി​ക്കു​ന്ന​തും മ​ന​സി​നു താ​ങ്ങാ​ൻ ക​ഴി​യാ​ത്ത​തു​മാ​യി​രു​ന്നു​വെ​ന്ന് മ​നോ​ജ് പ​റ​ഞ്ഞു.

ക​ട​യു​ടെ പു​റ​ത്തോ​ട്ടു​ള്ള ഇ​റ​ക്കി​ക്കെ​ട്ടും അ​തി​നു​ള്ളി​ലെ സാ​ധ​ന സാ​മ​ഗ്രി​ക​ളും യാ​തൊ​ന്നും അ​വ​ശേ​ഷി​ക്കാ​ത്ത വി​ധം സ​ർ​വ​തും ത​ക​ർ​ത്തു​വാ​രി ഇ​ട്ടി​രി​ക്കു​ന്ന​താ​ണ് ക​ണ്ട​ത്. ക​ട​യ്ക്കു​ള്ളി​ലെ​യും പു​റ​ത്തെ ഇ​റ​ക്കി കെ​ട്ടി​ലു​മു​ണ്ടാ​യി​രു​ന്ന ബേ​ക്ക​റി - സ്റ്റേ​ഷ​ന​റി ഐ​റ്റ​ങ്ങ​ൾ, ഫ്രി​ഡ്ജ്, ചി​ല്ല് അ​ല​മാ​രി​ക​ൾ, ജൂ​സ് കൗ​ണ്ട​ർ തു​ട​ങ്ങി​വ​യെ​ല്ലാം പൂ​ർ​ണ​മാ​യും ത​ല്ലി​ത​ക​ർ​ത്ത നി​ല​യി​ലാ​ണ്. മു​ൻ​വ​ശ​ത്തെ ഇ​റ​ക്കി​ക്കെ​ട്ടും ഇ​രു​മ്പു ഷ​ട്ട​റും ത​ക​ർ​ത്താ​ണ് മു​റി​ക്കു​ള്ളി​ൽ നാ​ശ​ന​ഷ്ടം വ​രു​ത്തി​യി​ട്ടു​ള്ള​ത്. സ​ഹോ​ദ​ര​ങ്ങ​ളാ​യ പേ​രി​ശേ​രി അ​ക​മു​റ്റ​ത്ത് സി.​ സ​ന്തോ​ഷ് കു​മാ​ർ, സി.​ സ​തീ​ഷ് കു​മാ​ർ എ​ന്നി​വ​രു​ടെ ഉ​ട​മ​സ്ഥ​ത​യി​ലു​ള്ള​താ​ണ് ബേ​ക്ക​റി ന​ട​ത്തി​യി​രു​ന്ന കെ​ട്ടി​ടം.


വാ​ട​ക ക​രാ​ർ പ്ര​കാ​രം14 വ​ർ​ഷ​മാ​യി മ​നോ​ജ് ഇ​വി​ടെ ബേ​ക്ക​റി​ക്ക​ട ന​ട​ത്തി​വ​രി​ക​യാ​ണ്. എ​ന്നാ​ൽ ഇ​തി​നി​ടെ കാ​ലാ​വ​ധി തീ​രും​മു​മ്പേ ക​ട ഒ​ഴി​യ​ണ​മെ​ന്ന് കെ​ട്ടി​ട ഉ​ട​മ​ക​ൾ ആ​വ​ശ്യ​പ്പെ​ട്ട​തി​നെതു​ട​ർ​ന്നു​ണ്ടാ​യ ത​ർ​ക്കം നി​ല​വി​ൽ ചെ​ങ്ങ​ന്നൂ​ർ മു​ൻ​സി​ഫ് കോ​ട​തി​യു​ടെ പ​രി​ഗ​ണ​ന​യി​ലി​രി​ക്കെ​യാ​ണ് ക​ട ത​ക​ർ​ത്ത സം​ഭ​വം അ​ര​ങ്ങേ​റി​യ​ത്. ക​ട ത​ക​ർ​ത്ത സം​ഭ​വ​ത്തി​ൽ ബേ​ക്ക​റി ഉ​ട​മ മ​നോ​ജി​ന്‍റെ പ​രാ​തിയെത്തുട​ർ​ന്ന് ചെ​ങ്ങ​ന്നൂ​ർ പോ​ലീ​സ് സ്ഥ​ലം സ​ന്ദ​ർ​ശി​ച്ച് അ​ന്വേ​ഷ​ണം ആ​രം​ഭി​ച്ചു.