കൊടുങ്ങല്ലൂർ: ചരിത്രപ്രസിദ്ധമായ മുസിരീസ് പട്ടണത്തിന്റെ ഭാഗമായ അഴീക്കോട് ബീച്ചിൽ എല്ലാ ജനവിഭാഗങ്ങളേയും ഉൾപ്പെടുത്തികൊണ്ടാടുന്ന ബീച്ച് ഫെസ്റ്റിന് വീണ്ടും ചരിത്രം രചിക്കാൻകഴിയുമെന്നും അതിന് യുവതലമുറയ്ക്ക് മുസിരീസിന്റെ ചരിത്രം കൈമാറണമെന്നും മന്ത്രി ചിഞ്ചുറാണി പറഞ്ഞു.
ബീച്ച് ഫെസ്റ്റ് സംഘാടകസമിതി ഓഫീസ് മുനയ്ക്കലിൽ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ഇ.ടി. ടൈസൺ എംഎൽഎ അധ്യക്ഷതവഹിച്ചു. എറിയാട് ഗ്രാമപഞ്ചായത്ത് പ്രസിഡന്റ് കെ.പി. രാജൻ, വൈസ് പ്രസിഡന്റ് ഫൗസിയ ഷാജഹാൻ, സ്റ്റാന്ഡിംഗ് കമ്മിറ്റി ചെയർമാൻ നജ്മൽ ഷക്കീർ, സുമിത ഷാജി, സ്നേഹലത, അംബിക ശിവപ്രിയൻ, ഉണ്ണി പിക്കാസോ തുടങ്ങിയവർ സംബന്ധിച്ചു.