കൊരട്ടി: സെന്റ് മേരീസ് ഫൊറോന പള്ളിയിൽ അദ്ഭുതപ്രവർത്തകയായ കൊരട്ടിമുത്തിയുടെ തിരുനാൾ എട്ടാമിടം ഇന്ന്. രാവിലെ 5.30നു വിശുദ്ധ കുർബാന. ഏഴിനും ഒമ്പതിനും നടക്കുന്ന വിശുദ്ധ കുർബാനകൾക്ക് യഥാക്രമം ഫാ. ചാൾസ് തെറ്റയിലും ഫാ. വർഗീസ് പാലാട്ടിയും കാർമികരാകും.
10.30നു നടക്കുന്ന ആഘോഷമായ വിശുദ്ധ കുർബാനയ്ക്ക് ഫാ. ജിസോയ് പേണ്ടാനത്ത് നേതൃത്വംനൽകും. ഉച്ചയ്ക്ക് 1.30നും (ഹിന്ദി) മൂന്നിനും അർപ്പിക്കുന്ന ദിവ്യബലികൾക്കു ഫാ. ജോബി പാലാട്ടി, ഫാ. ആൽഫിൻ മണവാളൻ എന്നിവർ കാർമികത്വം വഹിക്കും. ഫാ. ജോൺസൺ കൂവേലിയായിരിക്കും അഞ്ചിനു നടക്കുന്ന ആഘോഷമായ വിശുദ്ധ കുർബാനയ്ക്കു കാർമികൻ. തുടർന്ന് പ്രദക്ഷിണം. നാളെ മുതൽ 26 വരെ വൈകീട്ട് ആറിനു ജപമാലപ്രദക്ഷിണം ഉണ്ടായിരിക്കും. 26, 27 തീയതികളിലാണു പതിനഞ്ചാമിടം.