ശ്രീനാരായണപുരം: കൊടുങ്ങല്ലൂർ ഉപജില്ലാ ശാസ്ത്രോത്സവത്തിനു ശ്രീനാരായണപുരത്ത് തുടക്കമായി. വി.ആർ. സുനിൽകുമാർ എംഎൽഎ ഉദ്ഘാടനംചെയ്തു.
ശ്രീനാരായണപുരം ഗ്രാമപഞ്ചായത്ത് പ്രസിഡന്റ് എം.എസ്. മോഹനൻ അധ്യക്ഷതവഹിച്ചു. പനങ്ങാട് ഹയർസെക്കന്ഡറി സ്കൂൾ, കൃഷ്ണ ടിടിഐ, പാപ്പിനിവട്ടം ഗവ.എൽപി സ്കൂൾ, പോള ഹാൾ തുടങ്ങിയ സ്ഥാപനങ്ങളിലാണ് മേള നടത്തുന്നത്. ഉപജില്ലയിലെ 76 വിദ്യാലയങ്ങളിൽനിന്നു 2908 കുട്ടികൾ 202 ഇനങ്ങളിലായി പങ്കെടുക്കും. ഉപജില്ലാ വിദ്യാഭ്യാസ ഓഫീസർ പി. മൊയ്ദീൻകുട്ടി പതാക ഉയർത്തി. മുനിസിപ്പൽ ചെയർപേഴ്സൺ ടി.കെ. ഗീത, ജനറൽ കൺവീനർ ടി.ആർ. രേഖ, എസ്എൻപുരം ഗ്രാമപഞ്ചായത്ത് വികസനകാര്യ സ്റ്റാന്ഡിംഗ് കമ്മിറ്റി ചെയർമാൻ കെ.എ. അയൂബ്, വാർഡ് മെമ്പർ ടി.എസ്. ശീതൾ തുടങ്ങിയവർ പ്രസംഗിച്ചു.