കൊട്ടേക്കാട്: സെന്റ് മേരീസ് അസംപ്ഷൻ ഫൊറോന പള്ളി ദീപാലംകൃതമായി. പരിശുദ്ധ ഫാത്തിമനാഥയുടെ തിരുനാളിനു തുടക്കമായി. ഞായറാഴ്ച വൈകുന്നേരം ആനപ്പുറത്തെ കുടമാറ്റം മിനിപൂരമാക്കുന്ന തിരുനാളാഘോഷമാണിത്.
പുഷ്പാലംകൃതമായ കപ്പേളയും ദീപാലംകൃതമായ നവദേവാലയവും കേന്ദ്രീകരിച്ചുള്ള ജപമാലപ്രദക്ഷിണത്തിലും നൊവേനയിലും പങ്കെടുക്കാൻ നൂറുകണക്കിനു വിശ്വാസികളെത്തി. ഇന്നു വൈകുന്നേരം 5.30നു നടക്കുന്ന ദിവ്യബലിക്കുശേഷം തിരുനാളിന്റെ കൂടുതുറക്കൽകർമം വികാരി ജനറാൾ മോണ്. ജോസ് കോനിക്കര നിർവഹിക്കും.