ചാലക്കുടി: ബൈക്ക് ചാലക്കുടി പാലത്തിന്‍റെ കൈവരിയിൽ ഇടിച്ച് ബൈക്ക് യാത്രക്കാരനായ യുവാവ് മരിച്ചു. കല്ലൂർ കരുവാൻക്കുന്ന് സ്വദേശി പാലാട്ടി വീട്ടിൽ തോമസിന്‍റെ മകൻ ആൽബിൻ (29) ആണ് മരിച്ചത്. ഇന്നലെ പുലർച്ചെ രണ്ടിനായിരുന്നു അപകടം.
നെടുമ്പാശേരി എയർപോർട്ടിലെ ഇൻഡിഗോ കമ്പനിയിലെ ജീവനക്കാരനായിരുന്ന ആൽബിൻ ജോലി കഴിഞ്ഞ് ആമ്പല്ലൂരിലെ വീട്ടിലേക്ക് പോകുമ്പോഴായിരുന്നു അപകടം. ചാലക്കുടി പോലീസ് മേൽനടപടികൾ സ്വീകരിച്ചു. സംസ്കാരം നടത്തി.