കൊരട്ടി: നാഷണൽ സർവീസ് സ്കീമിന്‍റെ നേതൃത്വത്തിൽ വിഭാവനംചെയ്ത സന്നദ്ധം പദ്ധതിയുടെ ചാലക്കുടി ക്ലസ്റ്റർതല ഉദ്ഘാടനം കൊരട്ടി ലിറ്റിൽ ഫ്ലവർ കോൺവന്‍റ് ഹയർ സെക്കൻഡറി സ്കൂളിൽ നടന്നു. ഗ്രാമപഞ്ചായത്ത് പ്രസിഡന്‍റ് പി.സി. ബിജു ഉദ്ഘാടനം ചെയ്തു. വാർഡ് മെമ്പർ ജെയ്നി ജോഷി അധ്യക്ഷത വഹിച്ചു.
കുട്ടികൾക്ക് അടിയന്തര സാഹചര്യങ്ങളിൽ ഇടപെടാനുള്ള നൈപുണ്യം, അടിസ്ഥാന ജീവരക്ഷാപ്രവർത്തനങ്ങളിൽ ഏർപ്പെടാനുള്ള വൈഭവം, തീപിടിത്തംപോലുള്ള സാഹചര്യങ്ങളെ നേരിടാനുള്ള കരുത്ത് എന്നിവ ആർജിക്കാനുള്ള പരിശീലനം നൽകി. ചാലക്കുടി ക്ലസ്റ്റർ കൺവീനർ കെ.ആർ. ദേവദാസ്, പ്രിൻസിപ്പൽ സിസ്റ്റർ ലിൻസ, പിടിഎ പ്രസിഡന്‍റ് ജോർജ് ഐനിക്കൽ, വോളന്‍റിയർ ലീഡർ അനിറ്റ എന്നിവർ പ്രസംഗിച്ചു.