ഗു​രു​വാ​യൂ​ർ - തൃ​ശൂ​ർ പാ​സ​ഞ്ച​ർ നി​ർ​ത്ത​ലാ​ക്കി​യി​ട്ട് നാ​ലു​വ​ർ​ഷം
Sunday, October 20, 2024 3:07 AM IST
ഗു​രു​വാ​യൂ​ർ: കോ​വി​ഡ് കാ​ല​ത്തി​നു​മു​മ്പ് നി​ർ​ത്ത​ലാ​ക്കി​യ ഗു​രു​വാ​യൂ​ർ - തൃ​ശൂ​ർ പാ​സ​ഞ്ച​ർ തു​ട​ങ്ങ​ണ​മെ​ന്നും ഗു​രു​വാ​യൂ​രി​ലേ​ക്ക് കൂ​ടു​ത​ൽ തീ​വ​ണ്ടി​ക​ൾ വേ​ണ​മെ​ന്നും ആ​വ​ശ്യം ശ​ക്ത​മാ​കു​ന്നു.

‌തീ​ർ​ഥാ​ട​ക​ർ​ക്കും യാ​ത്ര​ക്കാ​ർ​ക്കും ഏ​റെ ഉ​പ​കാ​ര​പ്ര​ദ​മാ​യി​രു​ന്ന ട്രെ​യി​നാ​ണ് വ​ർ​ഷ​ങ്ങ​ളാ​യി​ട്ടും പു​ന​രാ​രം​ഭി​ക്കാ​ത്ത​ത്. വൈ​കി​ട്ട് 5.10ന് ​ഗു​രു​വാ​യൂ​രി​ൽ​നി​ന്ന് പു​റ​പ്പെ​ട്ട് തൃ​ശൂ​രി​ലേ​ക്കും 6.55ന് ​തൃ​ശൂ​രി​ൽ നി​ന്നു​തി​രി​ച്ച് ഗു​രു​വാ​യൂ​രി​ലേ​ക്കു​മാ​യി​രു​ന്നു സ​ർ​വീ​സ്. ചെ​ന്നൈ​യി​ൽ​നി​ന്ന് രാ​വി​ലെ ഗു​രു​വാ​യൂ​രി​ലെ​ത്തി പ​ക​ൽ​മു​ഴു​വ​ൻ യാ​ർ​ഡി​ൽ കി​ട​ന്നി​രു​ന്ന ഗു​രു​വാ​യൂ​ർ - ചെ​ന്നൈ എ​ക്സ്പ്ര​സാ​യി​രു​ന്നു വൈ​കി​ട്ട് പാ​സ​ഞ്ച​ർ ട്രെ​യി​നാ​യി ഓ​ടി​യി​രു​ന്ന​ത്. ഈ ​ട്രെ​യി​ൻ നി​ർ​ത്ത​ലാ​ക്കി​യ​തോ​ടെ ഉ​ച്ച​ക്ക് 1. 25ന് ​ശേ​ഷം രാ​ത്രി 11.15വ​രെ ഒ​രു തീ​വ​ണ്ടി സ​ർ​വീ​സും ഗു​രു​വാ​യൂ​രി​ൽ​നി​ന്ന് ഇ​ല്ലാ​ത്ത സ്ഥി​തി​യാ​യി.


ഗു​രു​വാ​യൂ​രി​ലെ തീ​ർ​ഥാ​ട​ക​ത്തി​ര​ക്ക് പ​രി​ഗ​ണി​ച്ച് നി​ർ​ത്ത​ലാ​ക്കി​യ വൈ​കി​ട്ട​ത്തെ ട്രെ​യി​നും അ​തി​നു​പു​റ​മെ മ​റ്റ് ക്ഷേ​ത്ര​ങ്ങ​ളെ ബ​ന്ധി​പ്പി​ക്കു​ന്ന കൂ​ടു​ത​ൽ ട്രെ​യി​നു​ക​ളും വേ​ണ​മെ​ന്നാ​വ​ശ്യ​പ്പെട്ട് ന​ഗ​ര​സ​ഭ​യി​ലെ ബി​ജെ​പി​യു​ടെ കൗ​ൺ​സി​ല​ർ ശോ​ഭ ഹ​രി​നാ​രാ​യ​ണ​ൻ റെ​യി​ൽ​വെ മ​ന്ത്രി​ക്ക് നി​വേ​ദ​നം​ന​ൽ​കി.