എരുമപ്പെട്ടി: മങ്ങാട് ഫുട്ബോൾ അസോസിയേഷൻ എംഎഫ് എയുടെ നേതൃത്വത്തിൽ മൂന്നാമത് അഖില കേരള ഫ്ലഡ്‌ലിറ്റ് വടംവലി മത്സരം സംഘടിപ്പിച്ചു. മങ്ങാട് മിനി സ്റ്റേഡിയത്തിൽ നടന്ന മത്സരത്തിൽ കേരളത്തിലെ 25 ടീമുകൾ പങ്കെടുത്തു.
മത്സരത്തിൽ സ്റ്റാർ വിഷൻ ആർട്സ് ആൻഡ് സ്പോർട്സ് ക്ലബ് വെങ്കിടങ് ഒന്നാം സ്ഥാനവും അനശ്വര മച്ചാട് രണ്ടാം സ്ഥാ നവും ടീം ചെമ്പാടി കടങ്ങോട് മൂന്നാം സ്ഥാനവും കരസ്ഥമാക്കി.
എരുമപ്പെട്ടി എസ്ഐ യു. മഹേഷ്‌ മത്സരം ഉദ്ഘാടനം ചെയ്‌തു. ഗ്രാമപഞ്ചായത്ത് സ്റ്റാൻ ഡിംഗ് കമ്മറ്റി ചെയർപേഴ്സൺ സുമന സുഗതൻ അധ്യക്ഷയായി. വാർഡ് മെമ്പർ മാഗി അലോഷ്യസ് ആശംസകളർപ്പിച്ചു. എംഎഫ്എ അംഗങ്ങളായ വി.എസ്. ശരത്ത്‌, കെ.ആർ.അക്ഷയ്, ജാക്സൺ, ഡെൽവിൻ എന്നിവരെ മെമന്‍റോ നൽകി ആദരിച്ചു. പഞ്ചാബിൽനിന്ന് ട്രാക്ടറിൽ ഇന്ത്യൻ പര്യടനം നടത്തുന്ന വിവി ൻ, അജയ് എന്നിവരെ പൊന്നാടയണിയിച്ച് ആദരിച്ചു. ക്ലബ് ഭാരവാഹികളായ വി.ആർ. അനീഷ്, എം.ബി. വിജീഷ്, പി.എസ്. ഗിരീഷ്, പി.എ. ജോസഫ് എന്നിവർ നേതൃത്വം നൽകി.