ഒല്ലൂർ: ഹെൽത്ത് സെന്ററിനുസമീപം കെഎസ്ആർടിസി ബസ് നിയന്ത്രണംവിട്ട്, അടഞ്ഞുകിടന്ന കടയുടെ മുന്നിലും മതിലിലും ഇടിച്ചുനിന്നു. അപകടത്തിൽ കോടാലി സ്വദേശിനി മാട്ടിവീട്ടിൽ വിജോയ് ഭാര്യ രശ്മി (41) ക്കു നിസാരപരിക്കേറ്റു.
ബസിന്റെ ബ്രേക്ക് നഷ്ടപ്പെട്ടതാണ് അപകടകാരണമെന്നാണു പ്രാഥമിക നിഗമനം. തൃശൂരിലേക്കുവന്ന ഫാസ്റ്റ് പാസഞ്ചർ ബസാണ് അപകടത്തിൽപ്പെട്ടത്. ഒല്ലൂർ പോലീസ് സ്ഥലത്തെത്തി.