ബാലചന്ദ്രൻ വടക്കേടത്ത് : ഉ​ട​യാ​ത്ത ജു​ബ​യും ഭാ​ഷ​യും; നി​രൂ​പ​ണ​ത്തി​ന്‍റെ ഉ​റ​ച്ച ശ​ബ്ദം ഇ​നി ഓ​ർ​മ
Saturday, October 19, 2024 11:00 PM IST
തൃ​ശൂ​ർ: വ​ടി​വൊ​ത്ത, ഉ​ട​യാ​ത്ത ജു​ബ​യും മു​ണ്ടു​മാ​യി​രു​ന്നു എ​ന്നും എ​പ്പോ​ഴും ബാ​ല​ച​ന്ദ്ര​ൻ വ​ട​ക്കേ​ട​ത്തി​ന്‍റെ വേ​ഷം. ആ ​വേ​ഷം​പോ​ലെ​ത​ന്നെ വ​ടി​വൊ​ത്ത തെ​ളി​ഞ്ഞ ഭാ​ഷ​യാ​യി​രു​ന്നു അ​ദ്ദേ​ഹ​ത്തി​ന്‍റേ​ത്.

ഉ​ട​യാ​ത്ത ജു​ബ​യും ഉ​ട​യാ​ത്ത ഭാ​ഷ​യു​മാ​യി അ​ദ്ദേ​ഹം നി​രൂ​പ​ണ​മെ​ന്ന സാ​ഹി​ത്യ​ശാ​ഖ​യി​ൽ ഉ​റ​ച്ച ശ​ബ്ദ​മാ​യി. വാ​യ​ന​ക്കാ​ര​നെ നി​രൂ​പ​ണ​ഭാ​ഷ​യി​ൽ ആ​കൃ​ഷ്ട​നാ​ക്കാ​നും അ​ദ്ദേ​ഹ​ത്തി​ന്‍റെ എ​ഴു​ത്തി​നും പ്ര​സം​ഗ​ത്തി​നും സാ​ധി​ച്ചു.

നി​രൂ​പ​ണ​ശാ​ഖ​യി​ൽ ത​ന്‍റെ മു​ൻ​ഗാ​മി​ക​ളാ​യി​രു​ന്ന​വ​രെ വീ​ണ്ടും വീ​ണ്ടും പ​ഠി​ച്ച് എ​ന്നും അ​പ്ഡേ​റ്റാ​ക്കി നി​ർ​ത്തി​യി​രു​ന്നു പി​ൻ​ഗാ​മി​ക​ൾ ബാ​ലേ​ട്ട​നെ​ന്നു വി​ളി​ക്കു​ന്ന വ​ട​ക്കേ​ട​ത്ത്. കാ​ല​ത്തെ അ​തി​ജീ​വി​ക്കു​ന്ന​താ​ണ് സാ​ഹി​ത്യ​കൃ​തി​ക​ളെ​ങ്കി​ൽ നി​രൂ​പ​ണ​വും അ​ങ്ങ​നെ​ത​ന്നെ​യാ​ണെ​ന്നു വ​ട​ക്കേ​ട​ത്ത് വി​ശ്വ​സി​ച്ചു. അ​തു​കൊ​ണ്ടു​ത​ന്നെ കാ​ല​ങ്ങ​ൾ​ക്ക​നു​സൃ​ത​മാ​യി അ​ദ്ദേ​ഹം പ​ഴ​യ​കാ​ല നി​രൂ​പ​ണ​ങ്ങ​ളെ വ്യാ​ഖ്യാ​നി​ച്ചു. പു​തി​യ കാ​ല​ത്തെ എ​ഴു​ത്തു​മാ​യി അ​തി​നെ പ​ല​പ്പോ​ഴും ചേ​ർ​ത്തു​വ​ച്ചു.

ഒ​രു സാ​ഹി​ത്യ​കൃ​തി ല​ളി​ത​മാ​യി വാ​യി​ച്ചാ​സ്വ​ദി​ച്ച് മ​ന​സി​ലാ​ക്കും​പോ​ലെ​ത​ന്നെ വേ​ണം നി​രൂ​പ​ണ​വും ആ​സ്വാ​ദ​ക​ൻ വാ​യി​ച്ചാ​സ്വ​ദി​ച്ച് മ​ന​സി​ലാ​ക്കാ​നെ​ന്ന് അ​ദ്ദേ​ഹം വി​ശ്വ​സി​ച്ചു. ആ ​വി​ശ്വാ​സം മ​ന​സി​ലു​ള്ള​തി​നാ​ൽ പ​ര​മാ​വ​ധി ല​ളി​ത​മാ​യ ഭാ​ഷ​ത​ന്നെ ശ​ക്ത​മാ​യി പ്ര​യോ​ഗി​ച്ചു.

വ​ല​തു​പ​ക്ഷ രാ​ഷ്ട്രീ​യ​ത്തോ​ടു വ്യ​ക്ത​മാ​യ ചാ​യ്‌​വു​ണ്ടാ​യി​രു​ന്ന വ​ട​ക്കേ​ട​ത്ത് പ​ക്ഷേ, ആ ​പാ​ർ​ട്ടി​യു​ടെ പോ​രാ​യ്മ​ക​ളെ​യും പു​ഴു​ക്കു​ത്തു​ക​ളെ​യും മു​ഖം​നോ​ക്കാ​തെ വി​മ​ർ​ശി​ച്ചി​രു​ന്നു. ആ ​രാ​ഷ്ട്രീ​യ​വി​മ​ർ​ശ​ന​ങ്ങ​ൾ സാ​ഹി​ത്യ​നി​രൂ​പ​ണം​പോ​ലെ​ത​ന്നെ തെ​റ്റു തി​രു​ത്തു​ന്ന​തി​നും പാ​ളി​ച്ച​ക​ൾ ഇ​ല്ലാ​താ​ക്കു​ന്ന​തി​നും നേ​ർ​വ​ഴി​ക്കു ന​യി​ക്കു​ന്ന​തി​നു​മാ​യി​രു​ന്നു.

ത​ന്‍റെ നി​ല​പാ​ടു​ക​ൾ തു​റ​ന്നു​പ​റ​യു​ന്ന​തി​ൽ വി​മു​ഖ​ത കാ​ണി​ക്കാ​ത്ത വ്യ​ക്തി​യാ​യി​രു​ന്നു അ​ദ്ദേ​ഹം. എ​ന്നാ​ൽ എ​ല്ലാ​വ​രു​മാ​യും അ​ഗാ​ധ​മാ​യ സൗ​ഹൃ​ദം കാ​ത്തു​സൂ​ക്ഷി​ക്കു​ന്ന​തി​ലും ജീ​വി​താ​വ​സാ​നം​വ​രെ ശ്ര​ദ്ധി​ച്ചു.


വി​ശ്വ​മ​ല​യാ​ള​സ​മ്മേ​ള​ന​വു​മാ​യി ബ​ന്ധ​പ്പെ​ട്ട് ന​ട​ത്തി​യ പ്ര​സ്താ​വ​ന​ക​ൾ വി​വാ​ദ​മാ​യ​തോ​ടെ വ​ട​ക്കേ​ട​ത്തി​നെ സാ​ഹി​ത്യ അ​ക്കാ​ദ​മി വൈ​സ് പ്ര​സി​ഡ​ന്‍റ് സ്ഥാ​ന​ത്തു​നി​ന്നു നീ​ക്കു​ക​യും പ​ക​രം അ​ക്ബ​ർ ക​ക്ക​ട്ട​ലി​നെ നി​യ​മി​ക്കു​ക​യും ചെ​യ്തി​രു​ന്നു.

അ​ന്നു കെ.​സി. ജോ​സ​ഫാ​യി​രു​ന്നു സാം​സ്കാ​രി​ക​മ​ന്ത്രി. മ​ന്ത്രി​യു​ടെ ന​ട​പ​ടി​യെ​യും വ​ട​ക്കേ​ട​ത്ത് അ​ന്ന് അ​തി​രൂ​ക്ഷ​മാ​യ ഭാ​ഷ​യി​ലാ​ണ് വി​മ​ർ​ശി​ച്ച​ത്. സാം​സ്കാ​രി​ക കൊ​ല​പാ​ത​ക​മാ​ണ് സാം​സ്കാ​രി​ക മ​ന്ത്രി ന​ട​ത്തി​യ​തെ​ന്നാ​യി​രു​ന്നു വ​ട​ക്കേ​ട​ത്തി​ന്‍റെ പ്രാ​സ​മൊ​പ്പി​ച്ചു​ള്ള പ്ര​തി​ക​ര​ണം.

സ്വ​ര​വും വ്യ​ഞ്ജ​ന​വും തി​രി​ച്ച​റി​യാ​നാ​കാ​ത്ത ആ​ളാ​ണ് മ​ന്ത്രി​യെ​ന്നു​കൂ​ടി പ​റ​ഞ്ഞ​ശേ​ഷ​മാ​ണ് വ​ട​ക്കേ​ട​ത്ത് നി​ർ​ത്തി​യ​ത്. അ​താ​യി​രു​ന്നു വ​ട​ക്കേ​ട​ത്ത്. പ​ല വി​ഷ​യ​ങ്ങ​ളി​ലും സാം​സ്കാ​രി​ക നാ​യ​ക​ൻ​മാ​രെ​ന്നു മു​ദ്ര​കു​ത്ത​പ്പെ​ട്ട​വ​ർ അ​പ​ക​ട​ക​ര​മാ​യ മൗ​നം പാ​ലി​ച്ച​പ്പോ​ൾ അ​വി​ടെ​യെ​ല്ലാം വ​ട​ക്കേ​ട​ത്തി​ന്‍റെ ശ​ബ്ദ​മു​യ​ർ​ന്നു.

പു​തി​യ​കാ​ല എ​ഴു​ത്തു​കാ​രെ വ​ള​രെ സൂ​ക്ഷ്മ​മാ​യി അ​ദ്ദേ​ഹം വാ​യി​ച്ചി​രു​ന്നു. അ​വ​രെ അ​ഭി​ന​ന്ദി​ക്കാ​നും തി​രു​ത്താ​നും ഒ​രു ഗു​രു​നാ​ഥ​നെ​പ്പോ​ലെ അ​ദ്ദേ​ഹം ശ്ര​ദ്ധി​ച്ചു.

തെ​ളി​വു​ള്ള ശ​ക്ത​മാ​യ ഭാ​ഷ അ​ദ്ദേ​ഹം പ്ര​സം​ഗി​ക്കു​ന്പോ​ൾ അ​ന​ർ​ഗ​ള​മാ​യി ഒ​ഴു​കി​പ്പ​ര​ക്കു​മാ​യി​രു​ന്നു. പ്ര​സം​ഗ​ത്തി​ന്‍റെ മോ​ഡു​ലേ​ഷ​നു​ക​ൾ വി​സ്മ​യി​പ്പി​ക്കു​ന്ന​താ​യി​രു​ന്നു. വ​ര​മൊ​ഴി​യി​ലും വാ​മൊ​ഴി​യി​ലും ഒ​രു​പോ​ലെ അ​ദ്ഭു​ത​പ്പെ​ടു​ത്തി​യ പ്ര​തി​ഭ​യാ​ണ് ഓ​ർ​മ​യു​ടെ ഏ​ടു​ക​ളി​ലേ​ക്കു ചേ​ക്കേ​റു​ന്ന​ത്.