ചെറുപുഴ: കാക്കയംചാൽ-കൊല്ലാട റോഡരികിൽ മാലിന്യം തള്ളി. കഴിഞ്ഞ ദിവസം രാത്രിയിലാണ് ഭക്ഷണാവശിഷ്ടങ്ങൾ ചാക്കിൽ നിറച്ച് റോഡരികിൽ തള്ളിയത്. ചെറുപുഴ പഞ്ചായത്തിന്‍റെ മിനി എംസിഎഫിന് സമീപമാണ് വൻതോതിൽ മാലിന്യം തള്ളിയത്.
പ്ലാസ്റ്റിക് മാലിന്യങ്ങളും ഭക്ഷണാവശിഷ്ടങ്ങളും ഉണ്ട്. ചീഞ്ഞ ഭക്ഷണാവശിഷ്ടം കൂട്ടമായി എത്തിയ നായ്ക്കൾ കടിച്ച് ചാക്കിൽ നിന്ന് പുറത്ത് ചാടിച്ചതോടെ കടുത്ത ദുർഗന്ധമാണ് പ്രദേശത്ത് അനുഭവപ്പെടുന്നത്. ജനവാസ കേന്ദ്രത്തിന് സമീപമാണ് മാലിന്യങ്ങൾ കൊണ്ടുവന്നു തള്ളിയത്. കുറ്റക്കാർക്കെതിരെ കർശന നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.