പെരിയ: ആയംപാറ സീമെറ്റ് നഴ്സിംഗ് കോളജിൽ നടക്കുന്ന ആരോഗ്യസർവകലാശാല ഉത്തരമേഖലാ കലോത്സവത്തിൽ സ്റ്റേജിനങ്ങളുടെ ആദ്യദിനം പിന്നിടുമ്പോൾ 142 പോയിന്റുമായി കോഴിക്കോട് ഗവ.മെഡിക്കൽ കോളജ് മുന്നിൽ. 60 പോയിന്റുമായി കണ്ണൂർ ഗവ.ആയുർവേദ കോളജ് രണ്ടാംസ്ഥാനത്തും 58 പോയിന്റുമായി കോഴിക്കോട് മുക്കം കെഎംസിടി മെഡിക്കൽ കോളജ് മൂന്നാം സ്ഥാനത്തുമാണ്.
സി.എച്ച്.കുഞ്ഞമ്പു എംഎൽഎ സ്റ്റേജിന മത്സരങ്ങളുടെ ഉദ്ഘാടനം നിർവഹിച്ചു. ഗായികയും സോഷ്യൽ മീഡിയ ഇൻഫ്ളുവൻസറുമായ ജയരഞ്ജിത മുഖ്യാതിഥിയായി. ബ്ലോക്ക് പഞ്ചായത്ത് പ്രസിഡന്റ് കെ.മണികണ്ഠൻ അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പാദൂർ, പുല്ലൂർ പെരിയ പഞ്ചായത്ത് പ്രസിഡന്റ് സി.കെ.അരവിന്ദൻ, പഞ്ചായത്ത് അംഗം കെ.ലത, കോളജ് പ്രിൻസിപ്പൽ ജയിംസ് ചാക്കോ, വൈസ് പ്രിൻസിപ്പൽ സ്മിതാറാണി, ബാബു കല്യോട്ട്, റിഷിത സി.പവിത്രൻ, കെ.പ്രണവ്, കനിഷ്ക എന്നിവർ പ്രസംഗിച്ചു.