മുക്കം: ജനങ്ങളെ ബുദ്ധിമുട്ടിക്കുന്ന കേന്ദ്ര, സംസ്ഥാന സർക്കാരുകൾക്കെതിരെയുള്ള വിധിയെഴുത്താകും വയനാട് ഉൾപ്പടെയുള്ള ഉപതെരഞ്ഞെടുപ്പുകളെന്ന് യുഡിഎഫ് വയനാട് ലോക്സഭാ മണ്ഡലം കേന്ദ്ര തെരഞ്ഞെടുപ്പ് കമ്മിറ്റി ചെയർമാൻ പാണക്കാട് സയ്യിദ് അബ്ബാസലി ശിഹാബ് തങ്ങൾ പറഞ്ഞു.
മുക്കത്ത് നടന്ന യുഡിഎഫ് കേന്ദ്ര തെരഞ്ഞെടുപ്പ് കമ്മിറ്റി നേതൃയോഗത്തിൽ സംസാരിക്കുകയായിരുന്നു അദ്ദേഹം. നാളെ രാവിലെ പത്തിന് കൽപ്പറ്റയിൽ നടക്കുന്ന പ്രിയങ്ക ഗാന്ധിയുടെ റോഡ് ഷോയും നാമനിർദേശപത്രിക സമർപ്പണവും വിജയിപ്പിക്കാനുള്ള ഒരുക്കങ്ങൾ കമ്മിറ്റി വിലയിരുത്തി. യോഗത്തിൽ ജനറൽ കണ്‍വീനർ എ.പി. അനിൽകുമാർ എംഎൽഎ, വർക്കിംഗ് ചെയർമാൻ പി.കെ. ബഷീർ എംഎൽഎ, ചീഫ് കോ ഓർഡിനേറ്റർ സി.പി. ചെറിയ മുഹമ്മദ്, കോ ഓർഡിനേറ്റർ ഐ.സി. ബാലകൃഷ്ണൻ എംഎൽഎ, സി. മമ്മൂട്ടി, ആര്യാടൻ ഷൗക്കത്ത്, അഡ്വ. കെ. പ്രവീണ്‍കുമാർ, എൻ.ഡി. അപ്പച്ചൻ, വി.എസ്. ജോയ്, ടി. മുഹമ്മദ്, കെ.എൽ. പൗലോസ് തുടങ്ങിയവർ പങ്കെടുത്തു.