ചന്ദനക്കാംപാറ: ബസുകളടക്കം നിരവധി വാഹനങ്ങൾ സർവീസ് നടത്തുന്ന ചന്ദനക്കാംപാറ - പൈസക്കരി - പയ്യാവൂർ റോഡ് തകർന്നു. പൈസക്കരി ടൗൺ മുതൽ വണ്ണായിക്കടവ് വരെ പലയിടത്തും കുഴികളാണ്. ഏറ്റുപാറ റോഡ് കവലയ്ക്ക് സമീപം വലിയകുഴികളിൽ വീണ് അപകടം പതിവാണ്. വണ്ണായികടവ് മുതൽ കോയിപ്ര വരെയും റോഡ് തകർന്ന് കുണ്ടും കുഴിയുമായി കിടക്കുകയാണ്. പയ്യാവൂർ ആൻസ് ഇംഗ്ലീഷ് മീഡിയം സ്കൂളിന് മുന്നിലും റോഡ് ചളിക്കുളമാണ്. അടിയന്തര അറ്റകുറ്റപണി നടത്തണമെന്നാണ് നാട്ടുകാരുടെ ആവശ്യം.