കണ്ണൂർ:കേരള വ്യാപാരി വ്യവസായി ഏകോപനസമിതി ജില്ലാ കമ്മിറ്റി നടപ്പിലാക്കിയ കുടുംബ സുരക്ഷാ പദ്ധതിയായ ആശ്രയ പദ്ധതിയിലുൾപ്പെട്ടവർക്കുള്ള ആനുകൂല്യ വിതരണം കണ്ണൂർ നായനാർ അക്കാദമി ഓഡിറ്റോറിയത്തിൽ നടന്നു. ഏകോപന സമിതി സംസ്ഥാന പ്രസിഡന്റ് രാജു അപ്സര ഉദ്ഘാടനം ചെയ്തു.
ആശ്രയ പദ്ധതിയിൽ അംഗങ്ങളായിരിക്കെ മരണപ്പെട്ട വ്യാപാരികളുടെ 30 കുടുംബങ്ങൾക്കുള്ള മൂന്ന് കോടി രൂപയുടെ ആനുകൂല്യമാണ് വിതരണം ചെയ്തത്. ജില്ലാ ജനറൽ സെക്രട്ടറി പുനത്തിൽ ബാഷിത് അധ്യക്ഷത വഹിച്ചു. ജില്ലാ പ്രസിഡന്റ് ആശ്രയ ചെയർമാനുമായ ദേവസ്യ മേച്ചേരി ആമുഖഭാഷണം നടത്തി. സി. കെ. രാജൻ, കെ.പി. അയ്യൂബ് , സംസ്ഥാന നേതാക്കളായ കുഞ്ഞാവു ഹാജി,എസ്. ദേവരാജൻ, അഹമ്മദ് ഷരീഫ്, ബാബു കോട്ടയിൽ, കെ.കെ. രാമചന്ദ്രൻ, കെ.യു.വിജയകുമാർ,സിസി വർഗീസ്, പി. വി. അബ്ദുള്ള, രാജൻ തീയറത്ത്,ജോർജ് തോണിക്കൽ, എ. സുധാകരൻ,പി. മുനീറുദ്ദീൻ, കെ. എം. ഹരിദാസ്, ജെ. സെബാസ്റ്റ്യൻ, കെ. എസ്. റിയാസ്,കെ. വി. നന്ദിനി, പ്രസ് ക്ലബ് പ്രസിഡന്റ് സി. സുനിൽകുമാർ,അഡ്വ. ബലറാം, ജേക്കബ് പടിഞ്ഞാത്ത് എന്നിവർ പ്രസംഗിച്ചു.