ചെറുപുഴ: സ്തനാർബുദ ബോധവത്കരണ മാസാചരണത്തിന്‍റെ ഭാഗമായി ലയൺസ് ക്ലബ്പിങ്ക് മാസം ആചരിക്കുന്നു. ഇതിന്‍റെ ഭാഗമായി ലയൺസ് ക്ലബ് ചെറുപുഴ, ലയൺസ് ക്ലബ് ചെറുപുഴ ടൗൺ, ലയൺസ് ക്ലബ് ചിറ്റാരിക്കാൽ, ലയൺസ് ക്ലബ് പാടിയോട്ടുചാൽ, ലയൺസ് ക്ലബ് അരവൻചാൽ എന്നിവയുടെ നേതൃത്വത്തിൽ പിങ്കത്തോൺ മെഗാറാലി നടത്തി. ചെറുപുഴ പോലീസ് സ്റ്റേഷന് സമീപത്ത് നിന്ന് ആരംഭിച്ച റാലി ബസ് സ്റ്റാൻഡ് ചുറ്റി ചെറുപുഴ ജെഎം യുപി സ്കൂളിൽ സമാപിച്ചു.
ചെറുപുഴ എസ്എച്ച്ഒ സുനിൽ ഗോപി ഫ്ലാഗ് ഓഫ് ചെയ്തു. ചെറുപുഴ ജെഎം യുപി സ്കൂളിൽ നടന്ന ബോധവത്കരണ ക്ലാസ് പഞ്ചായത്ത് സ്ഥിരം സമിതി അധ്യക്ഷൻ എം. ബാലകൃഷ്ണൻ ഉദ്ഘാടനം ചെയ്തു. ഹൈമശശിധരൻ അധ്യക്ഷത വഹിച്ചു. ലയൺസ് ക്ലബ് പ്രസിഡന്‍റുമാരായ എം.ടി.പി. അബ്ദുള്ള, ജീവ് ജയിംസ്, കെ. സുരേഷ്, കെ.കെ. തോമസ്, സി.കെ. വിശ്വനാഥൻ, കെ.കെ. വേണുഗോപാൽ, സത്യവതി വേണുഗോപാൽ, മഞ്ജു മധു എന്നിവർ പ്രസംഗിച്ചു. കണ്ണൂർ ആസ്റ്റർ മിംസ് ആശുപത്രിയുടെ സഹകരണത്തോടെ സൗജന്യ സ്തനാർബുദ പരിശോധന നടത്തി.