തലശേരി: ബൈക്ക് അപകടത്തിൽ വിദ്യാർഥി മരിച്ചു. സഹയാത്രികന് പരിക്കേറ്റു. വടക്കുമ്പാട് ജുമാ മസ്ജിദിനു സമീപം പുനിക്കോൾ ക്ഷേത്രം റോഡിലെ റാബീസിൽ മുഹമ്മദ് നബ്ഹാൻ (15) ആണ് മരിച്ചത്. കൊളശേരി ബാങ്കിനു സമീപം ഇന്നലെ രാവിലെ 6.10ന് ബൈക്ക് വൈദ്യുതി തൂണിലിടിച്ചായിരുന്നു അപകടം.
ഒപ്പമുണ്ടായിരുന്ന സുഹൃത്ത് എടക്കാട് ഹസൻമുക്കിലെ റിസ്‌വാൻ പരിക്കുകളോടെ തലശേരിയിലെ ഒരു സ്വകാര്യ ആശുപത്രിയിൽ ചികിത്സയിലാണ്. തലശേരി ജൂബിലി റോഡിലെ ലൈക്ക് ഇലക്‌ട്രിക്കൽ ആൻഡ് പ്ലംബിംഗ് ഷോപ്പ് ഉടമ ടി.പി. നവാസ്-എം. റജുല ദന്പതികളുടെ മകനാണ് മരിച്ച മുഹമ്മദ് നബ്ഹാൻ. തലശേരി മുബാറക്ക് ഹയർ സെക്കൻഡറി സ്കൂളിലെ പത്താംക്ലാസ് വിദ്യാർഥിയാണ്. സഹോദരങ്ങൾ: നദ നൗറിൻ, നദ്‌റാൻ, നബ്ഹാൻ. തലശേരി പോലീസ് മൃതദേഹം ഇൻക്വസ്റ്റ് നടത്തി. ജനറൽ ആശുപത്രിയിൽ പോസ്റ്റുമോർട്ടത്തിനുശേഷം മൃതദേഹം ബന്ധുക്കൾ ഏറ്റുവാങ്ങി. പൊതുദർശനത്തിനുശേഷം മട്ടാമ്പ്രം ജുമാ മസ്ജിദ് കബർസ്ഥാനിൽ കബറടക്കി.