ഇരിട്ടി: കേരള വനം വന്യജീവി വകുപ്പ് കണ്ണൂർ സാമൂഹിക വനവത്ക്കരണ വിഭാഗം വനം ഡിവിഷനിൽ സംസ്ഥാന സർക്കാരിന്റെ നൂറ് ദിന കർമ്മ പദ്ധതിയിൽ ഉൾപ്പെടുത്തി നിർമിക്കുന്ന നഗരവനത്തിന്റെ ആദ്യ ഘട്ടത്തിന്റെ ഉദ്ഘാടനം മന്ത്രി എ.കെ. ശശീന്ദ്രൻ ഓൺലൈനിൽ നിർവഹിച്ചു. കേന്ദ്രസർക്കാരിന്റെ നഗർവന പദ്ധതി പ്രകാരം ലഭിച്ച നാൽപത് ലക്ഷം രൂപ ചെലവഴിച്ച് നഗരവനം നിർമിക്കുന്നത്. പദ്ധതി പ്രകാരം ജില്ലയിലെ ആദ്യത്തെ നഗരവനമാണ് ഇരിട്ടി വള്ള്യാട് പ്രാവർത്തികമാകുന്നത്.
നേരംപോക്ക് ഇരിട്ടി കോ-ഓപ്പറേറ്റിവ് ബാങ്ക് ഓഡിറ്റോറിയത്തിൽ നടന്ന ചടങ്ങിൽ സണ്ണി ജോസഫ് എംഎൽഎ ശിലാ ഫലകം അനാച്ഛാദനം ചെയ്തു. നഗരസഭാ കൗൺസിലർ കെ. ശ്രീലത, വൈസ് ചെയർമാൻ പി.പി. ഉസ്മാൻ, ഉത്തരമേഖലാ സാമൂഹിക വനവത്ക്കരണ വിഭാഗം ഫോറസ്റ്റ് കൺസർവേറ്റർ ആർ. കീർത്തി ഐഎഫ്എസ്, സാമൂഹ്യ വനത്ക്കരണ വിഭാഗം എസി എഫ് ജോസ് മാത്യു, ആറളം വൈഡ് ലൈഫ് വാർഡൻ ജി. പ്രദീപ്, കൗൺസിലർമാരായ എൻ. സിന്ധു, പി.പി. ജയലക്ഷ്മി, കെ. നന്ദനൻ, വള്ള്യാട് പാർട്ടിസിപ്പേറ്ററി ഹരിത സമിതി പ്രസിഡന്റ് പി.പി. അശോകൻ, റേഞ്ച് ഫോറസ്റ്റ് ഓഫീസർ പി. സുരേഷ് എന്നിവർ പ്രസംഗിച്ചു.