ഇ​രി​ട്ടി​യി​ൽ ഉ​ദ്ഘാ​ട​ന​ത്തി​നൊ​രു​ങ്ങി വ​നം വ​കു​പ്പി​ന്‍റെ ‘ന​ഗ​ര​വ​നം’
Saturday, October 19, 2024 7:15 AM IST
ഇ​രി​ട്ടി: വ​നം വ​കു​പ്പി​ന്‍റെ ജി​ല്ല​യി​ലെ ആ​ദ്യ​ത്തെ "ന​ഗ​ര​വ​നം' ഇ​രി​ട്ടി വ​ള്ള്യാ​ട് നാ​ളെ ഉ​ദ്ഘാ​ട​നം ചെ​യ്യും. ഇ​രി​ട്ടി നേ​രം​പോ​ക്കി​ലെ ഇ​രി​ട്ടി സ​ഹ​ക​ര​ണ റൂ​റ​ൽ ബാ​ങ്ക് ഓ​ഡി​റ്റോ​റി​യ​ത്തി​ൽ രാ​വി​ലെ 10ന് ​ന​ട​ക്കു​ന്ന ച​ട​ങ്ങി​ൽ വ​നം മ​ന്ത്രി എ.​കെ. ശ​ശീ​ന്ദ്ര​ൻ ഓ​ൺ​ലൈ​നാ​യി ഉ​ദ്ഘാ​ട​നം നി​ർ​വ​ഹി​ക്കും. സ​ണ്ണി ജോ​സ​ഫ് എം​എ​ൽ​എ അ​ധ്യ​ക്ഷ​ത വ​ഹി​ക്കും.

വ​ള്ള്യാ​ട് ഇ​രി​ട്ടി-​എ​ട​ക്കാ​നം റോ​ഡി​ൽ പ​ഴ​ശി ജ​ല​സേ​ച​ന വി​ഭാ​ഗ​ത്തി​ന്‍റെ 10 ഹെ​ക്ട‌​റോ​ളം സ്ഥ​ല​ത്താ​ണ് ന​ഗ​രവ​നം സ്ഥി​തി ചെ​യ്യു​ന്ന​ത്. സാ​മു​ഹ്യ വ​ന​വ​ത്ക​ര​ണ വി​ഭാ​ഗ​ത്തി​ന്‍റെ കീ​ഴി​ലു​ണ്ടാ​യി​രു​ന്ന ഉ​ണ്ടാ​യി​രു​ന്ന സ​ഞ്ജീ​വ​നി ഔ​ഷ​ധ ഉ​ദ്യാ​നം 40 ല​ക്ഷം രൂ​പ മു​ട​ക്കി ന​വീ​ക​രി​ച്ചാ​ണ് ന​ഗ​ര​വ​ന​മാ​യി മാ​റ്റു​ന്ന​ത്.

2003 ലാ​ണ് വ​നം​വ​കു​പ്പി​ന്‍റെ കീ​ഴി​ൽ ഔ​ഷ​ധ ഉ​ദ്യാ​നം സ്ഥാ​പി​ക്കു​ന്ന​ത്. പ​തി​മു​ഖം, ന​ന്നാ​റി, തി​പ്പ​ലി, ര​ത്ന​ച​ന്ദ​നം, ആ​ട​ലോ​ട​കം, വേ​ങ്ങ തു​ട​ങ്ങി 25 ഇ​ന​ങ്ങ​ളി​ലാ​യി 1000 ത്തോ​ളം ചെ​ടി​ക​ളാ​ണ് ഔ​ഷ​ധ ഉ​ദ്യാ​ന​ത്തി​ൽ വ​ച്ചു​പി​ടി​പ്പി​ച്ചി​രു​ന്ന​ത്. പി​ന്നീ​ട് വേ​ണ്ട​ത്ര ശ്ര​ദ്ധ ല​ഭി​ക്കാ​തെ ഔ​ഷ​ധ ഉ​ദ്യാ​നം കാ​ടു​ക​യ​റി ന​ശി​ച്ചു​തു​ട​ങ്ങി​യി​രു​ന്നു. ഇ​വ​യ്ക്ക് പു​തു​ജീ​വ​ൻ ന​ൽ​കി​ക്കൊ​ണ്ടാ​ണ് പു​തി​യ പ​ദ്ധ​തി ആ​വി​ഷ്ക​രി​ച്ചി​ട്ടു​ള്ള​ത്. ന​ഗ​ര​വ​നം പ​ദ്ധ​തി പ്ര​കാ​രം ഒ​ന്നാംഘ​ട്ട​ത്തി​ൽ പു​തു​താ​യി 6000 വൃ​ക്ഷ​ത്തൈ​ക​ൾ കൂ​ടി ന​ട്ടു​പി​ടി​പ്പി​ച്ചു. കൂ​ടാ​തെ അ​ടി​ക്കാ​ട് വെ​ട്ടി വൃ​ത്തി​യാ​ക്കി​യ ന​ഗ​ര​വ​ന​ത്തി​ൽ ന​ട​പ്പാ​ത​ക​ൾ നി​ർ​മി​ക്കു​ക​യും ഇ​രി​ട്ടി പു​ഴ​യു​ടെ മ​നോ​ഹ​ര​മാ​യ കാ​ഴ്ച​ക​ൾ ല​ഭ്യ​മാ​കും വി​ധം 50 ഇ​രി​പ്പി​ട​ങ്ങളും ഒ​രു​ക്കി​യി​ട്ടു​ണ്ട്. കൂ​ടാ​തെ ടി​ക്ക​റ്റ് കൗ​ണ്ട​റി​ന്‍റെ​യും ശു​ചി​മു​റി ബ്ലോ​ക്കിന്‍റെയും നി​ർ​മാ​ണം പൂ​ർ​ത്തി​യാ​യി.


ര​ണ്ടാം​ഘ​ട്ട​ത്തി​ൽ 30 ല​ക്ഷം രൂ​പ ചെ​ല​വി​ൽ 10 ഹെ​ക്‌​ട​റി​ലും ന​ട​പ്പാ​ത, ഇ​ന്‍റ​ർ​ലോ​ക്ക് വി​രി​ക്ക​ൽ, ഊ​ഞ്ഞാ​ലു​ക​ൾ, ഏ​റു​മാ​ട​ങ്ങ​ൾ, കു​ളം എ​ന്നി​വ​യും മൂ​ന്നാം​ഘ​ട്ട​ത്തി​ൽ സ​ഞ്ചാ​രി​ക​ൾ​ക്കാ​യി തു​ഴ വ​ഞ്ചി​ക​ൾ, വ​നം​വ​കു​പ്പി​ന്‍റെ ഓ​ഫീ​സ്, മ്യൂ​സി​യം, ഇ​ന്‍റ​ർപ്ര​ട്ടേ​ഷ​ൻ സെ​ന്‍റ​ർ, പ​രി​സ്ഥി​തി ബോ​ധ​വ​ത്ക​ര​ണ ക്യാ​ന്പു​ക​ൾ​ക്കും ക്ലാ​സു​ക​ൾ​ക്കും ഉ​ള്ള സൗ​ക​ര്യം, വ​ള്ള്യാ​ട്, പെ​രു​മ്പ​റ​മ്പ് പാ​ർ​ക്കു​ക​ളെ ബ​ന്ധി​പ്പി​ച്ചും ഇ​രി​ട്ടി-എ​ട​ക്കാ​നം റോ​ഡി​ലേ​ക്കും പ​ഴ​ശി സം​ഭ​ര​ണി ജ​ലാ​ശ​യ​ത്തി​നു മു​ക​ളി​ലൂ​ടെ തൂ​ക്കു​പാ​ലം എ​ന്നി​വ നി​ർ​മി​ക്കും.

വ​ള്ള്യാ​ട് ഗ്രാ​മഹ​രി​ത സ​മി​തി​ക്കാ​ണ് ഉ​ദ്യാ​ന​ത്തി​ന്‍റെ ന​ട​ത്തി​പ്പു ചു​മ​ത​ല. മു​ൻ ന​ഗ​ര​സ​ഭാ അ​ധ്യ​ക്ഷ​ൻ പി.​പി. അ​ശോ​ക​ൻ പ്ര​സി​ഡ​ന്‍റാ​യ സ​മി​തി​യി​ൽ സോ​ഷ്യ​ൽ ഫോ​റ​സ്ട്രി വി​ഭാ​ഗം സെ​ക്‌​ഷ​ൻ ഫോ​റ​സ്‌​റ്റ് ഓ​ഫീ​സ​ർ എം.​ഡി. സു​മ​തി​യാ​ണ് സെ​ക്ര​ട്ട​റി. ന​ഗ​ര​വ​ന​ത്തി​ലേ​ക്കു​ള്ള പ്ര​വേ​ശ​ന​ത്തി​ന് ടി​ക്ക​റ്റ് ഏ​ർ​പ്പെ​ടു​ത്തും.