ഇരിട്ടി: പായം പഞ്ചായത്തിലെ 17,18 വാർഡുകളിൽ കാട്ടുപന്നികൾ കൂട്ടമായി എത്തി കൃഷി വ്യാപകമായി നശിപ്പിക്കുന്നു. കപ്പ, ചേമ്പ്, ചേന തുടങ്ങി എല്ലാവിളകളും ചുവടോടെ കുത്തി നശിപ്പിക്കുകയാണ് പന്നികൂട്ടം. ഒറ്റക്കൊമ്പൻ ചാലിലെ കൊച്ചുവീട്ടിൽ ജോണിന്റെ കൃഷിയിടത്തിലെ 700 ചുവടോളം കപ്പയാണ് നശിപ്പിച്ചത്. സമീപ പഞ്ചായത്തുകളിൽ കാട്ടു പന്നികളെ വെടിവച്ച് കൊല്ലുന്നതിന് പഞ്ചായത്ത് ലൈസൻസ് ലഭിച്ചവർ ഉണ്ടെങ്കിലും പായം പഞ്ചായത്തിൽ പദ്ധതി നടപ്പിലാവുന്നില്ലെന്നാണ് കർഷകരുടെ പരാതി. അടിയന്തരമായി പഞ്ചായത്ത് ഇടപെട്ട് കാട്ടുപന്നികളെ നശിപ്പിക്കുന്നതിനുള്ള നടപടികൾ സ്വീകരിക്ക ണമെന്നാണ് നാട്ടുകാരുടെ ആവശ്യം.