ക​ണ്ണൂ​ര്‍ ഗ​വ.​ മെ​ഡിക്കൽ കോ​ള​ജിലേക്ക് കോ​ൺ​ഗ്ര​സ് മാർച്ച്; സം​ഘ​ര്‍​ഷം
Tuesday, October 22, 2024 3:20 AM IST
പ​രി​യാ​രം: എ​ഡി​എം ന​വീ​ൻ ബാ​ബു​വി​ന് പെ​ട്രോ​ൾ പ​മ്പി​ന്‍റെ എ​ൻ​ഒ​സി​ക്കാ​യി കൈ​ക്കൂ​ലി ന​ല്കി​യെ​ന്ന് വെ​ളി​പ്പെ​ടു​ത്തി​യ പ്രശാ​ന്ത​നെ സ​ര്‍​വീ​സി​ല്‍നി​ന്ന് പി​രി​ച്ചു​വി​ട്ട് കേ​സെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് പ​രി​യാ​രം ക​ണ്ണൂ​ര്‍ ഗ​വ.​മെ​ഡി​ക്ക​ല്‍ കോ​ള​ജി​ലേ​ക്ക് ഇ​ന്ന​ലെ രാ​വി​ലെ കോ​ണ്‍​ഗ്ര​സ് ന​ട​ത്തി​യ പ്ര​തി​ഷേ​ധ മാ​ര്‍​ച്ചി​ല്‍ സം​ഘ​ര്‍​ഷം. ഡി​സി​സി പ്ര​സി​ഡ​ന്‍റ് മാ​ര്‍​ട്ടി​ന് ജോ​ര്‍​ജ് മാ​ര്‍​ച്ച് ഉ​ദ്ഘാ​ട​നം ചെ​യ്ത ഉ​ട​നെ യൂ​ത്ത് കോ​ൺ​ഗ്ര​സ് നേ​താ​വ് റി​യാ നാ​രാ​യ​ണ​ന്‍റെ നേ​തൃ​ത്വ​ത്തി​ൽ ഒ​രു വി​ഭാ​ഗം കോ​ണ്‍​ഗ്ര​സ് പ്ര​വ​ര്‍​ത്ത​ക​ര്‍ പോ​ലീ​സ് വ​ല​യം ഭേ​ദി​ച്ച് കാ​മ്പ​സി​നു​ള്ളി​ലേ​ക്ക് ത​ള്ളി​ക്ക​യ​റി. പ​ഴ​യ​ങ്ങാ​ടി ഇ​ന്‍​സ്‌​പെ​ക്ട​ര്‍ എ​ന്‍.​കെ.​സ​ത്യ​നാ​ഥ​ന്‍റെ ഹൈ​ല്‍​മെ​റ്റ് പി​ടി​ച്ചു​വ​ലി​ച്ച പ്ര​വ​ര്‍​ത്ത​ക​ര്‍ അ​ദ്ദേ​ഹ​ത്തി​ന്‍റെ നെ​യിം​പ്ലേ​റ്റും വ​ലി​ച്ചു​പ​റി​ച്ചു. ഏ​റെ നേ​രം പ്ര​വ​ര്‍​ത്ത​ക​രും പോ​ലീ​സും ത​മ്മി​ല്‍ ഉ​ന്തും ത​ള്ളും ന​ട​ന്നു. മു​തി​ർ​ന്ന നേ​താ​ക്ക​ള്‍ ഇ​ട​പെ​ട്ടാ​ണ് പ്ര​വ​ര്‍​ത്ത​ക​രെ പി​ന്തി​രി​പ്പി​ച്ച​ത്.

മാ​ര്‍​ച്ച് ന​ട​ത്തി​യ സം​ഭ​വ​ത്തി​ല്‍ നേ​താ​ക്ക​ള്‍ ഉ​ള്‍​പ്പെ​ടെ 26 പേ​ര്‍​ക്കെ​തി​രെ പ​രി​യാ​രം പോ​ലീ​സ് കേ​സെ​ടു​ത്തു. പോ​ലീ​സി​ന് ആ​ക്ര​മി​ക്കു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്ത​തി​നാ​ണ് കേ​സ്. യൂ​ത്ത് കോ​ണ്‍​ഗ്ര​സ് സം​സ്ഥാ​ന ജ​ന​റ​ൽ സെ​ക്ര​ട്ട​റി രാ​ഹു​ല്‍ വ​ച്ചി​യോ​ട്ടി​നെ ഒ​ന്നാം പ്ര​തി​യാ​ക്കി​യാ​ണ് കേ​സ്. ഡി.​സി​സി വൈ​സ് പ്ര​സി​ഡ​ന്‍റ് സു​ദീ​പ് ജ​യിം​സ്, ജ​ന. സെ​ക്ര​ട്ട​റി രാ​ജീ​വ​ന്‍ ക​പ്പ​ച്ചേ​രി, റ​ഷീ​ദ് ക​വ്വാ​യി, അ​ക്ഷ​യ് മാ​ട്ടൂ​ല്‍, റി​യ നാ​രാ​യ​ണ​ൻ എ​ന്നി​വ​ർ​ക്കും ക​ണ്ടാ​ല​റി​യാ​വു​ന്ന മ​റ്റ് 20 പേ​ര്‍​ക്കെ​തി​രെ​യു​മാ​ണ് കേ​സ്.


ടി.​വി. പ്ര​ശാ​ന്തി​നെ പ​രി​യാ​രം മെ​ഡി​ക്ക​ൽ കോ​ള​ജി​ലെ ജോ​ലി​യി​ൽ​നി​ന്നു പു​റ​ത്താ​ക്കും വ​രെ സ​മ​രം തു​ട​രു​മെ​ന്ന് ഡി​സി​സി പ്ര​സി​ഡ​ന്‍റ് മാ​ർ​ട്ടി​ൻ ജോ​ർ​ജ്. പ്ര​ശാ​ന്തി​നെ പ​രി​യാ​രം മെ​ഡി​ക്ക​ൽ കോ​ള​ജി​ലെ ജോ​ലി​യി​ൽ നി​ന്ന്പി​രി​ച്ചു വി​ട​ണ​മെ​ന്നാ​വ​ശ്യ​പ്പെ​ട്ട് മെ​ഡി​ക്ക​ൽ കോ​ള​ജി​ലേ​ക്ക് കോ​ൺ​ഗ്ര​സ് പ്ര​വ​ർ​ത്ത​ക​ർ ന​ട​ത്തി​യ മാ​ർ​ച്ച് ഉ​ദ്ഘാ​ട​നം ചെ​യ്തു പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

പ്ര​ശാ​ന്ത് സ്ഥി​രം ജീ​വ​ന​ക്കാ​ര​ന​ല്ല എ​ന്ന ന്യാ​യീ​ക​ര​ണ​മാ​ണ് ബ​ന്ധ​പ്പെ​ട്ട​വ​ർ ന​ട​ത്തു​ന്ന​ത്. പ്ര​ശാ​ന്തി​ന് പ​രി​യാ​രം മെ​ഡി​ക്ക​ൽ കോ​ള​ജി​ൽ ചെ​യ്യു​ന്ന ജോ​ലി​ക്ക് ശ​മ്പ​ളം ന​ൽ​കു​ന്ന​ത് സ​ർ​ക്കാ​ര​ല്ലേ ? സ​ർ​ക്കാ​രി​ൽ​നി​ന്ന് ശ​മ്പ​ളം പ​റ്റി സ്വ​കാ​ര്യ സം​രം​ഭം തു​ട​ങ്ങു​ന്ന​തി​ന് എ​ന്ത് ന്യാ​യീ​ക​ര​ണ​മാ​ണു​ള്ള​ത്. കൈ​ക്കൂ​ലി ന​ൽ​കു​ന്ന​തും കു​റ്റ​മാ​ണെ​ന്നി​രി​ക്കേ കൈ​ക്കൂ​ലി ന​ൽ​കി​യെ​ന്ന് പ​റ​യു​ന്ന ഒ​രാ​ളെ സ​ർ​ക്കാ​ർ സ്ഥാ​പ​ന​ത്തി​ൽ തു​ട​രാ​ൻ ഒ​രു കാ​ര​ണ​വ​ശാ​ലും അ​നു​വ​ദി​ക്കാ​ൻ പാ​ടി​ല്ലെ​ന്നും മാ​ർ​ട്ടി​ൻ ജോ​ർ​ജ് പ​റ​ഞ്ഞു.

നേ​താ​ക്ക​ളാ​യ എം.​പി. ഉ​ണ്ണി​ക്കൃ​ഷ്ണ​ൻ, സു​ദീ​പ് ജ​യിം​സ്, വി. ​രാ​ജ​ൻ, ര​ജി​ത്ത് നാ​റാ​ത്ത്, റ​ഷീ​ദ് ക​വ്വാ​യി, ബ്രി​ജേ​ഷ് കു​മാ​ർ, ടി. ​ജ​യ​കൃ​ഷ്ണ​ൻ, ന​ബീ​സ, ബി​ജു ഉ​മ്മ​ർ, ഇ.​ടി. രാ​ജീ​വ​ൻ, രാ​ജീ​വ​ൻ ക​പ്പ​ച്ചേ​രി തു​ട​ങ്ങി​യ നേ​താ​ക്ക​ൾ പ്ര​സം​ഗി​ച്ചു.