ശ്രീകണ്ഠപുരം: വിശുദ്ധ യൂദാശ്ലീഹയുടെ തീർഥാടന കേന്ദ്രമായ പന്ന്യാൽ സെന്റ് ജൂഡ് ക്നാനായ കത്തോലിക്കാ പള്ളിയിൽ നൊവേനയും തിരുനാളും ഊട്ടുനേർച്ചയും തുടങ്ങി. വികാരി ഫാ. ജോമി ജോസഫ് പതിപ്പറന്പിൽ കൊടിയേറ്റി. ഇന്നു വൈകുന്നേരം 4.30ന് ജപമാല, അഞ്ചിന് വിശുദ്ധ കുർബാന, വൈകുന്നേരം ആറുമുതൽ ഒന്പതുവരെ ധ്യാനം. നാളെ രാവിലെ ഏഴിന് ജപമാല, 7.30ന് വിശുദ്ധ കുർബാന, ലദീഞ്ഞ്. രാത്രി 8.45ന് ധ്യാനം സമാപനം. പാച്ചോർ നേർച്ച. 21 മുതൽ 25 വരെ ദിവസവും വൈകുന്നേരം 4.30ന് ജപമാല, അഞ്ചിന് ലദീഞ്ഞ്, വിശുദ്ധ കുർബാന, നൊവേന, പാച്ചോർ നേർച്ച.
26ന് വൈകുന്നേരം 4.30ന് നടക്കുന്ന തിരുനാൾ കുർബാനയ്ക്ക് ഫാ. സജി മെത്താനത്ത് കാർമികത്വം വഹിക്കും. 5.45ന് നൊവേന, ആറിന് കൂട്ടുമുഖം കുരിശുപള്ളിയിലേക്ക് പ്രദക്ഷിണം. ഏഴിന് കൂട്ടുമുഖം കുരിശുപള്ളിയിൽ ലദീഞ്ഞ്, 7.10ന് പള്ളിയിലേക്ക് മെഴുകുതിരി പ്രദക്ഷിണം, 8.30ന് ഫാ. ബേബി കട്ടിയാങ്കൽ തിരുനാൾ സന്ദേശം നൽകും. രാത്രി ഒന്പതിന് പരിശുദ്ധ കുർബാനയുടെ ആശീർവാദം. 27ന് രാവിലെ 10ന് ആഘോഷമായ തിരുനാൾ റാസയ്ക്ക് ഫാ. ഫിലിപ്പ് കൊച്ചുപറന്പിൽ കാർമികത്വം വഹിക്കും. ഫാ. ജോസ് കറുകപ്പറന്പിൽ തിരുനാൾ സന്ദേശം നൽകും. 12.15ന് പന്ന്യാൽ കുരിശടിയിലേക്ക് പ്രദക്ഷിണം. 12.50ന് പരിശുദ്ധ കുർബാനയുടെ ആശീർവാദം, ഒന്നിന് ഊട്ടുനേർച്ച. 28ന് യൂദാശ്ലീഹയുടെ തിരുനാൾ ദിനത്തിൽ രാവിലെ 6.30ന് ലദീഞ്ഞ്, വിശുദ്ധ കുർബാന, നൊവേന.