പെരിയ: ആയംപാറ സി-മെറ്റ് നഴ്സിംഗ് കോളജില്‍ നടക്കുന്ന കേരള ആരോഗ്യ സര്‍വകലാശാല നോര്‍ത്ത് സോണ്‍ കലോത്സവത്തില്‍ സ്റ്റേജിതരമത്സരങ്ങളിൽ 72 പോയിന്‍റോടെ കോഴിക്കോട് ഗവ. മെഡിക്കല്‍ കോളജ് ജേതാക്കളായി. കണ്ണൂര്‍ ഗവ. ആയുര്‍വേദ കോളജ് (24) രണ്ടും കണ്ണൂര്‍ ഗവ. മെഡിക്കല്‍ കോളജ് (22) മൂന്നും സ്ഥാനങ്ങള്‍ നേടി.
വയനാട് ഡോ. മൂപ്പന്‍സ് മെഡിക്കല്‍ കോളജ്, കെഎംസിറ്റി മെഡിക്കല്‍ കോളജ് (20 പോയിന്‍റ് വീതം), കോഴിക്കോട് ഹോമിയോപതി മെഡിക്കല്‍ കോളജ് (19) എന്നിവരാണ് തൊട്ടുപുറകിലുള്ളത്. സ്‌റ്റേജിനമത്സരങ്ങള്‍ ഇന്നു രാവിലെ ഒമ്പതിന് ആരംഭിക്കും. വൈകുന്നേരം നാലിന് സി.എച്ച്. കുഞ്ഞമ്പു എംഎല്‍എ കലോത്സവം ഉദ്ഘാടനം നിര്‍വഹിക്കും. കലോത്സവം നാളെ സമാപിക്കും.