മട്ടന്നൂർ: കോളാരി സർവീസ് സഹകരണ ബാങ്കിന്‍റെ നാളികേര സംസ്കരണ യൂണിറ്റിന്‍റെ ഉദ്ഘാടനം മട്ടന്നൂർ പരിയാരത്ത് സഹകരണ മന്ത്രി വി.എൻ. വാസവൻ നിർവഹിച്ചു. നബാർഡിന്‍റെ വിവിധ സ്കീം പ്രകാരം കേരള ബാങ്ക് മുഖാന്തരമാണ് പ്രവൃത്തി പൂർത്തീകരിച്ചത്.
പാർക്കിംഗ് യൂണിറ്റ് ആൻഡ് അഡ്മിനിസ്ട്രേഷൻ ഓഫീസ് കെ.കെ. ശൈലജ എംഎൽഎയും വെർജിൻ കോക്കനട്ട് ഓയിൽ യൂണിറ്റ് ഉദ്ഘാടനം മട്ടന്നൂർ നഗരസഭ ചെയർമാൻ എൻ. ഷാജിത്തും നാളികേര സംഭരണ കേന്ദ്രത്തിന്‍റെ ഉദ്ഘാടനം കണ്ണൂർ എകെജി ആശുപത്രി പ്രസിഡന്‍റ് പി. പുരുഷോത്തമനും കൊപ്ര ഡ്രയർ ഉദ്ഘാടനം കള്ള് ചെത്ത് തൊഴിലാളി ക്ഷേമനിധി ബോർഡ് ചെയർമാൻ എൻ.വി. ചന്ദ്രബാബുവും ആദ്യ വില്പന കൂത്തുപറമ്പ് സഹകരണ യൂണിയൻ ചെയർമാൻ സി.വി. ശശീന്ദ്രനും
നിക്ഷേപം സ്വീകരിക്കൽ കണ്ണൂർ ജോയിന്‍റ് രജിസ്ട്രാർ വി. രാമകൃഷ്ണനും വെബ്സൈറ്റ് ഉദ്ഘാടനം നബാഡ് ഡിഡിഎം ഷിജി മോനും അനുമോദനം ഇരിട്ടി ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ എം. രതീഷും നിർവഹിച്ചു. പ്രസിഡന്‍റ് കെ. ഭാസ്കരൻ അധ്യക്ഷത വഹിച്ചു. കൊടി ചന്ദ്രൻ, ടി.കെ. സിജിൻ, എൻ. സത്യാനന്ദൻ, വൈസ് പ്രസിഡന്‍റ് ജി. ശ്രീജിത്ത്, സെക്രട്ടറി കെ. നാരായണൻ എന്നിവര്‍ പ്രസംഗിച്ചു. കർഷകരിൽ നിന്നും മാർക്കറ്റ് വിലയേക്കാൾ കിലോഗ്രാമിന് രണ്ടു രൂപയോളം അധികം നൽകി നാളികേരം സംഭരിക്കുകയും മൂല്യവർധിത ഉത്പന്നങ്ങളായ വെളിച്ചെണ്ണ, വെർജിൻ കോക്കനട്ട് ഓയിൽ, വിനാഗിരി, സോഫ്റ്റി ഡ്രിങ്ക്സ്, പിണ്ണാക്ക് തുടങ്ങിയ ഉത്പന്നങ്ങൾ മായവും കലർപ്പും ഇല്ലാതെ ഗുണമേന്മയോട് കൂടി ഉത്പാദിപ്പിച്ച് കൊക്കനട്ട് വ്യാപാരം മിതമായ നിരക്കിൽ വിപണനം നടത്തുന്നത്.