കണ്ണൂർ: കണ്ണൂർ- തോട്ടട, നടാൽ ബൈപ്പാസ് വഴി ഓടുന്ന ലിമിറ്റഡ് സ്റ്റോപ്പ് ബസുകൾ, കണ്ണൂർആശുപത്രി റൂട്ടിൽ ഓടുന്ന ബസുകൾ, ചക്കരക്കല്ലിൽ നിന്ന് എടക്കാട് വഴി തലശേരിയിലേക്ക് പോകുന്ന ബസുകൾ എന്നിവ നാളെ മുതൽ അനിശ്ചിതകാലത്തേക്ക് സർവീസ് നിർത്തിവയ്ക്കും.
ജില്ലാ ബസ് ഓപ്പറേറ്റേഴ്സ് അസോസിയേഷൻ കോ-ഓർഡിനേഷൻ കമ്മിറ്റി ബസ് ഉടമകളുടെയും തൊഴിലാളികളുടെയും സംയുക്ത യോഗത്തിന്റേതാണ് തീരുമാനം.ഇതിന് മുന്നോടിയായി ഇന്നു വൈകുന്നേരം 4.30ന് തോട്ടട ബസാറിൽ പൊതുയോഗവും നാളെ എൻഎച്ച്-66 ഓഫീസ് ഉപരോധവും നടക്കും. യോഗത്തിൽ ജനറൽ കൺവീനർ രാജ്കുമാർ കരുവാരത്ത് അധ്യക്ഷത വഹിച്ചു. കെ. ഗംഗാധരൻ, കെ.പി. മുരളീധരൻ, സി. മോഹനൻ, പി. അജിത്ത്കുമാർ, കെ.പി. മോഹനൻ, യൂണിയൻ ഭാരവാഹികളായ എൻ. മോഹനൻ, താവം ബാലകൃഷ്ണൻ, എൻ. മോഹനൻ, കെ.കെ. ശ്രീജിത്ത്, വി.വി. ശശീന്ദ്രൻ, രജിമോൾ, പുഷ്പലത എന്നിവർ പ്രസംഗിച്ചു.