ആ​ലു​വ റെ​സ്റ്റ് ഹൗ​സ് തി​രി​ച്ചെ​ടു​ക്ക​ൽ ന​ട​പ​ടി​ക​ൾ തു​ട​ങ്ങി
Friday, October 18, 2024 2:04 AM IST
ആ​ലു​വ: 30 വ​ർ​ഷ​ത്തേ​ക്ക് പാ​ട്ട​ത്തി​നു ന​ല്‍​കി​യ ആ​ലു​വ പൊ​തു​മ​രാ​മ​ത്ത് വ​കു​പ്പി​ന്‍റെ റെ​സ്റ്റ് ഹൗ​സ് പാ​ട്ട​ക്ക​രാ​ർ സം​സ്ഥാ​ന സ​ർ​ക്കാ​ർ റ​ദ്ദാ​ക്കി. മ​ഹാ​നാ​മി ഹെ​റി​റ്റേ​ജ് ഹോ​ട്ട​ല്‍​സ് പ്രൈ​വ​റ്റ് ലി​മി​റ്റ​ഡി​ന് ന​ൽ​കി​യ ക​രാ​റാ​ണ് ക​രാ​ർ ലം​ഘ​ന​ങ്ങ​ളെ തു​ട​ർ​ന്ന് റ​ദ്ദാ​ക്കി​യ​ത്.

റെ​സ്റ്റ് ഹൗ​സ് ഉ​ട​ന്‍ ഏ​റ്റെ​ടു​ക്കാ​നും റി​പ്പോ​ര്‍​ട്ട് ന​ല്‍​കാ​നും പൊ​തു​മ​രാ​മ​ത്ത് വ​കു​പ്പ് ചീ​ഫ് എ​ന്‍​ജി​നീ​യ​റെ സ​ര്‍​ക്കാ​ര്‍ ചു​മ​ത​ല​പ്പെ​ടു​ത്തി. ക​രാ​ർ​പ്ര​കാ​രം ന​ൽ​കേ​ണ്ട പ​ണ​യ​ത്തു​ക ആ​ദ്യ​ഘ​ട്ട​ത്തി​ൽ കൃ​ത്യ​മാ​യി ന​ൽ​കി​യെ​ങ്കി​ലും പി​ന്നീ​ട്‌ മു​ട​ങ്ങി. ഇ​തി​നെ തു​ട​ർ​ന്ന് ക​രാ​ർ റ​ദ്ദാ​ക്കി​യ സ​ർ​ക്കാ​ർ തീ​രു​മാ​ന​ത്തി​നെ​തി​രെ മ​ഹാ​നാ​മി ഉ​ട​മ 2014ൽ ​കോ​ട​തി​യെ സ​മീ​പി​ച്ചു. ഈ ​കേ​സി​ൽ സ​ർ​ക്കാ​ർ വി​ജ​യി​ച്ച​തോ​ടെ ക​രാ​ർ റ​ദ്ദാ​ക്കു​ന്ന​ത്.

2003ലാ​ണ് പൊ​തു​മ​രാ​മ​ത്ത് വ​കു​പ്പി​ന് കീ​ഴി​ലു​ള്ള ആ​ലു​വ റെ​സ്റ്റ് ഹൗ​സ് 30 വ​ര്‍​ഷ​ത്തേ​ക്ക് പാ​ട്ട​ത്തി​ന് ന​ൽ​കി​യ​ത്. റെ​സ്റ്റ് ഹൗ​സി​നോ​ടു ചേ​ര്‍​ന്നു​ള്ള അ​ധി​ക ഭൂ​മി 2005ലും ​കൈ​മാ​റി. പു​ന​രു​ദ്ധ​രി​ക്കു​ക, അ​റ്റ​കു​റ്റ​പ്പ​ണി ന​ട​ത്തു​ക, പ്ര​വ​ര്‍​ത്തി​പ്പി​ക്കു​ക, കൈ​മാ​റ്റം ചെ​യ്യു​ക എ​ന്ന അ​ടി​സ്ഥാ​ന​ത്തി​ലാ​ണ് റെ​സ്റ്റ് ഹൗ​സ് പാ​ട്ട​ത്തി​ന് ന​ല്‍​കി​യ​ത്.


ക​രാ​ര്‍​പ്ര​കാ​രം ന​ല്‍​കേ​ണ്ട പ​ണ​യ​ത്തു​ക ന​ൽ​കാ​താ​യ​തോ​ടെ ക​ടം കൂ​ടി. 15 ശ​ത​മാ​നം പ​ലി​ശ ഉ​ള്‍​പ്പെ​ടെ സ​ര്‍​ക്കാ​രി​ലേ​ക്ക് ന​ൽ​കേ​ണ്ട​ത് 47.84 ല​ക്ഷം രൂ​പ​യാ​യി ഉ​യ​ർ​ന്നു. തു​ട​ർ​ന്ന് 2014ല്‍ ​ക​രാ​റു​കാ​ര​നെ ഒ​ഴി​വാ​ക്കി സ​ര്‍​ക്കാ​ര്‍ നോ​ട്ടീ​സ് ന​ല്‍​കി. അ​തോ​ടെ ഉ​ട​മ കോ​ട​തി​യി​ൽ പോ​യി.

ക​ഴി​ഞ്ഞ ഓ​ഗ​സ്റ്റ് എ​ട്ടി​ന്‌ ന​ൽ​കി​യ വി​ധി​യി​ൽ ക​രാ​റു​കാ​ര​ന്‌ കാ​ര​ണം കാ​ണി​ക്ക​ൽ നോ​ട്ടീ​സ്‌ ന​ൽ​കാ​നും പ​ണ​മ​ട​യ്‌​ക്കാ​ൻ ര​ണ്ടാ​ഴ്‌​ച​കൂ​ടി അ​നു​വ​ദി​ക്കാ​നും ഹൈ​ക്കോ​ട​തി നി​ർ​ദേ​ശി​ച്ചു. അ​നു​വ​ദി​ച്ച സ​മ​യ​ത്തി​നു​ള്ളി​ൽ പ​ണ​മ​ട​യ്‌​ക്കാ​ൻ ക​രാ​റു​കാ​ര​ന് ക​ഴി​ഞ്ഞി​ല്ല. കോ​ട​തി​യു​ടെ അ​നു​മ​തി​യോ​ടെ​യാ​ണ് പാ​ട്ട​ക്ക​രാ​ർ റ​ദ്ദാ​ക്കി​യി​രി​ക്കു​ന്ന​ത്.