ആരക്കുഴ: ഗതകാല സ്മരണകൾ ഉണർത്തി ആരക്കുഴ സെന്റ് ജോസഫസ് ഗേൾസ് ഹൈസ്കൂൾ 1987 എസ്എസ്സി ബാച്ച് ‘സ്നേഹക്കൂട് 2 കെ24’ എന്ന പേരിൽ 37 വർഷങ്ങൾക്ക് ശേഷം ഒത്തുകൂടി. സ്കൂൾ മാനേജർ സിസ്റ്റർ സെസലീന അധ്യക്ഷത വഹിച്ച ചടങ്ങ് സ്കൂൾ പ്രധാനാധ്യാപിക സിസ്റ്റർ ടിസ റാണി ഉദ്ഘാനം ചെയ്തു.
ജീവിതത്തിന്റെ നാന തുറകളിൽ പ്രവർത്തിക്കുന്ന കേരളത്തിനകത്തും പുറത്തുമുള്ള പൂർവ അധ്യാപകരും-വിദ്യാർഥികളും ഒത്തുകൂടി.
തങ്ങളുടെ പ്രിയപ്പെട്ട അധ്യാപകരെ ആദരിക്കുന്നതിനുള്ള വേദി കൂടിയായി സ്നേഹക്കൂട്. ദീർഘനാളുകൾക്കു ശേഷം തങ്ങളുടെ കൂട്ടുക്കാരെ കാണുന്നതിനും ജീവിതാനുഭവങ്ങളും സൗഹൃദവും പങ്കുവയ്ക്കുന്നതിനും കഴിഞ്ഞതിലുള്ള സന്തോഷത്തിൽ സ്കൂൾ പഠനക്കാലത്തെ തങ്ങളുടെ സ്മരണകളിൽ തങ്ങിനിന്നപ്പോൾ എല്ലാവരുടെയും ഓർമകൾ പിന്നിലേയ്ക്കു പോയി. രസകരമായ അനുഭവങ്ങൾ പങ്കുവച്ച ഈ കൂടിച്ചേരൽ അവിസ്മരണിയമായ അനുഭമായിരുന്നുവെന്ന് സംഘാടകരയായ ഐവി ജോർജ്, ജെസി മാത്യു, ലിൻസി ജോണ്, ബെൽസി സ്കറിയ, ബിൻസി അഗസ്റ്റിൻ, എ.ആർ. ജീവ എന്നിവർ പറഞ്ഞു.