പാ​യ്ക്ക​റ്റ് പ​ല​ഹാ​രം ക​ഴി​ച്ച ബാ​ലി​ക​യു​ടെ നാ​വി​ൽ പൊ​ള്ള​ലേ​റ്റു
Friday, October 18, 2024 2:57 AM IST
മു​ക്കം: പ്ര​മു​ഖ ക​ന്പ​നി​യു​ടെ പാ​യ്ക്ക​റ്റ് പ​ല​ഹാ​രം ക​ഴി​ച്ച പ​ത്തു വ​യ​സു​കാ​രി​ക്ക് വാ​യി​ലും നാ​വി​ലും പൊ​ള്ള​ലേ​റ്റ​താ​യി പ​രാ​തി. ഭ​ക്ഷ്യ​വി​ഷ​ബാ​ധ​യെ​ന്നാ​ണ് നി​ഗ​മ​നം. സം​ഭ​വ​ത്തെ തു​ട​ർ​ന്ന് കൊ​ടി​യ​ത്തൂ​ർ പ​ഞ്ചാ​യ​ത്തി​ൽ പ്ര​സ്തു​ത ക​ന്പ​നി​യു​ടെ പാ​യ്ക്ക​റ്റ് പ​ല​ഹാ​രം വി​ൽ​പ്പ​ന ന​ട​ത്തു​ന്ന​ത് ത​ട​യു​ക​യും ക​ട​യി​ലു​ള്ള​ത് എ​ടു​ത്തു മാ​റ്റു​ക​യും ചെ​യ്തു. ചെ​റു​വാ​ടി​യി​ലെ ഒ​രു ബേ​ക്ക​റി​യി​ൽ നി​ന്നാ​ണ് 10 വ​യ​സു​കാ​രി അ​ഞ്ചു രൂ​പ വി​ല​യു​ള്ള സ്നാ​ക്സ് വാ​ങ്ങി ക​ഴി​ച്ച​ത്. രാ​ത്രി​യോ​ടെ വ​യ​റു​വേ​ദ​ന​യും പ​നി​യും ബാ​ധി​ച്ച​തി​നെ തു​ട​ർ​ന്ന് കൊ​ടി​യ​ത്തൂ​ർ പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​ൽ എ​ത്തി പ​രി​ശോ​ധി​ച്ചു. വാ​യി​ൽ പു​ണ്ണ് രൂ​പ​പ്പെ​ട്ടി​രു​ന്നു.

ചു​ണ്ടി​ലും നാ​വി​ലും പൊ​ള്ള​ലേ​റ്റ​തു പോ​ലെ ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നു കെഎം​സി​ടി മെ​ഡി​ക്ക​ൽ കോ​ള​ജി​ൽ വ​ച്ച് ന​ട​ത്തി​യ പ​രി​ശോ​ധ​ന​യി​ലാ​ണ് പ​ല​ഹാ​ര​ത്തി​ൽനി​ന്ന് ഭ​ക്ഷ്യ​വി​ഷ ബാ​ധ ഏ​റ്റ​താ​ണെ​ന്ന് മ​ന​സിലാ​യ​ത്. കു​ട്ടി​യു​ടെ പി​താ​വി​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ൽ സി​എ​ച്ച്സി ഹെ​ൽ​ത്ത് ഇ​ൻ​സ്പെ​ക്ട​ർ ജ​യ​ശ്രീ, ജ​ഐ​ച്ച്ഐ​മാ​രാ​യ ദീ​പി​ക, ര​മേ​ശ​ൻ, പ​ഞ്ചാ​യ​ത്ത് ഹെ​ൽ​ത്ത് ഇ​ൻ​സ്പെ​ക്ട​ർ സി.​റി​നി​ൽ എ​ന്നി​വ​രും ഭ​ക്ഷ്യ സു​ര​ക്ഷാ വി​ഭാ​ഗ​വും വീ​ട്ടി​ലെ​ത്തി വി​വ​ര​ങ്ങ​ൾ ആ​രാ​യു​ക​യും തു​ട​ർ​ന്ന് ക​ട​ക​ളി​ൽ പ​രി​ശോ​ധ​ന ന​ട​ത്തു​ക​യും ചെ​യ്തു.


കു​ട്ടി ക​ഴി​ച്ച പ​ല​ഹാ​ര​ത്തി​ന്‍റെ സാ​ന്പി​ൾ പ​രി​ശോ​ധ​ന​ക്കാ​യി അ​യ​ച്ചി​ട്ടു​ണ്ടെ​ന്നും പ​രി​ശോ​ധ​നാ ഫ​ലം ല​ഭി​ച്ച ശേ​ഷ​മേ നി​ജ​സ്ഥി​തി അ​റി​യാ​നാ​വൂ എ​ന്നും ഭ​ക്ഷ്യ സു​ര​ക്ഷാ വി​ഭാ​ഗം ഓ​ഫീ​സ​ർ ഡോ. ​അ​നു പ​റ​ഞ്ഞു.