കാ​വും​പ​ടി​യി​ൽ ത​ക​ർ​ന്നു​കി​ട​ന്ന ഓ​ട​യു​ടെ സ്ലാ​ബു​ക​ൾ മാ​റ്റി​ത്തു​ട​ങ്ങി
Wednesday, October 16, 2024 3:51 AM IST
മൂ​വാ​റ്റു​പു​ഴ: ഏ​റെ നാ​ളു​ക​ളാ​യി കാ​വും​പ​ടി റോ​ഡി​ൽ ത​ക​ർ​ന്നു കി​ട​ന്നി​രു​ന്ന ഓ​ട​യു​ടെ സ്ലാ​ബു​ക​ൾ മാ​റ്റി സ്ഥാ​പി​ക്കു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ച്ചു. കാ​ൽ​ന​ട യാ​ത്ര​ക്കാ​ർ​ക്കും വാ​ഹ​ന യാ​ത്ര​ക്കാ​ർ​ക്കും അ​പ​ക​ട ഭീ​ഷ​ണി ഉ​യ​ർ​ത്തി​യി​രു​ന്ന പ​ഴ​ക്കം ചെ​ന്ന സ്ലാ​ബു​ക​ളാ​ണ് നീ​ക്കം ചെ​യ്ത് പു​തി​യ​ത് സ്ഥാ​പി​ക്കു​ന്ന​ത്.

ന​ഗ​ര​സ​ഭ​യു​ടെ 22-ാം വാ​ർ​ഡി​ൽ ഉ​ൾ​പ്പെ​ടു​ന്ന​താ​ണ് ന​ഗ​ര​ത്തി​ലെ പ്ര​ധാ​ന ബൈ​പ്പാ​സാ​യി ഉ​പ​യോ​ഗി​ക്കു​ന്ന കാ​വും​പ​ടി റോ​ഡ്. എ​ന്നാ​ൽ റോ​ഡി​ന്‍റെ ഇ​രു​വ​ശ​ങ്ങ​ളി​ലു​മു​ള്ള ഒ​ട്ടു​മി​ക്ക സ്ലാ​ബു​ക​ളും ത​ക​ർ​ന്ന നി​ല​യി​ലാ​ണ്. മൂ​ന്ന് സ്കൂ​ളു​ക​ളും ആ​രാ​ധ​നാ​ല​യ​ങ്ങ​ളു​മു​ള്ള പ്ര​ദേ​ശ​ത്തെ സ്ലാ​ബു​ക​ൾ ത​ക​ർ​ന്നു കി​ട​ക്കു​ന്ന​ത് വ​ലി​യ അ​പ​ക​ട ഭീ​ഷ​ണി​യാ​ണ് ഉ​യ​ർ​ത്തി​യി​രു​ന്ന​ത്.

കു​രു​ന്നു​ക​ൾ അ​ട​ക്കം നി​ര​വ​ധി​യാ​ളു​ക​ൾ കാ​ൽ​ന​ട​യാ​യി യാ​ത്ര ചെ​യ്യു​ന്ന ഇ​വി​ടെ അ​പ​ക​ട സാ​ധ്യ​ത വ​ർ​ധി​ച്ചി​ട്ടും അ​ധി​കൃ​ത​ർ ന​ട​പ​ടി സ്വീ​ക​രി​ക്കാ​താ​യ​തോ​ടെ കാ​വും​പ​ടി സെ​ന്‍റ് മേ​രീ​സ് ക​പ്പേ​ള​ക്ക് എ​തി​ർ​വ​ശം അ​ധി​കൃ​ത​രു​ടെ ശ്ര​ദ്ധ​യ്ക്ക് എ​ന്ന അ​പാ​യ സൂ​ച​ന ബോ​ർ​ഡും പ്ര​ത്യ​ക്ഷ​പ്പെ​ട്ടി​രു​ന്നു.


തു​ട​ർ​ന്ന് ന​ഗ​ര​സ​ഭാം​ഗം രാ​ജ​ശ്രീ രാ​ജു​വി​ന്‍റെ നേ​തൃ​ത്വ​ത്തി​ൽ പി​ഡ​ബ്ല്യു​ഡി അ​ധി​കൃ​ത​ർ​ക്ക് ന​ൽ​കി​യ പ​രാ​തി​യെ തു​ട​ർ​ന്നാ​ണ് സ്ലാ​ബു​ക​ൾ മാ​റ്റി സ്ഥാ​പി​ക്കാ​ൻ ന​ട​പ​ടി​യാ​യ​ത്. കാ​വും​പ​ടി റോ​ഡ് ടാ​ർ ചെ​യ്യു​ന്ന​തും സ്ലാ​ബു​ക​ൾ മാ​റ്റു​ന്ന​തും ഉ​ൾ​പ്പെ​ടെ നാ​ലോ​ളം ആ​വ​ശ്യ​ങ്ങ​ൾ ഉ​യ​ർ​ത്തി ന​ൽ​കി​യ പ​രാ​തി​യി​ലാ​ണ് ന​ട​പ​ടി​യാ​യി​രി​ക്കു​ന്ന​തെ​ന്ന് രാ​ജ​ശ്രീ രാ​ജു പ​റ​ഞ്ഞു.

ക​ച്ചേ​രി​ത്താ​ഴ​ത്തു​നി​ന്നു തൊ​ടു​പു​ഴ ഭാ​ഗ​ത്തേ​ക്കും ആ​ര​ക്കു​ഴ റോ​ഡി​ലേ​ക്കും പോ​കേ​ണ്ട വാ​ഹ​ന​ങ്ങ​ൾ പ്ര​ധാ​ന റോ​ഡി​ൽ പ്ര​വേ​ശി​ക്കാ​തെ ക​ട​ന്നു​പോ​കാ​ൻ ആ​ശ്ര​യി​ക്കു​ന്ന​ത് കാ​വും​പ​ടി റോ​ഡി​നെ​യാ​ണ്. ന​ഗ​ര​ത്തി​ൽ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ടു​ന്പോ​ൾ വാ​ഹ​ന​ങ്ങ​ൾ നി​യ​ന്ത്രി​ക്കു​ന്ന​തും ഇ​തേ റോ​ഡി​ലൂ​ടെ ത​ന്നെ​യാ​ണ്.