പ​ശ്ചി​മ കൊ​ച്ചി​ക്കാരുടെ യാ​ത്രാ​ദു​രി​തത്തിന് മൂ​ന്നാം​നാ​ളും ശമനമില്ല
Friday, October 18, 2024 1:21 AM IST
കൊ​ച്ചി: അ​റ്റ​കു​റ്റ​പ്പ​ണി​ക്കാ​യി കു​ണ്ട​ന്നൂ​ര്‍, അ​ല​ക്‌​സാ​ണ്ട​ര്‍ പ​റ​മ്പി​ത്ത​റ പാ​ല​ങ്ങ​ള്‍ അ​ട​ച്ചി​ട്ട​തി​നെ​ത്തു​ട​ര്‍​ന്ന് പ​ശ്ചി​മ കൊ​ച്ചി​ക്കാ​രു​ടെ യാ​ത്രാ​ദു​രി​ത​ത്തി​ന് മൂ​ന്നാം നാ​ളും കു​റ​വി​ല്ല. ന​ഗ​ര​ത്തി​ലേ​ക്ക് പ്ര​വേ​ശി​ക്കു​ന്ന തോ​പ്പും​പ​ടി ബി​ഒ​ടി പാ​ല​വും ഹാ​ര്‍​ബ​ര്‍ പാ​ല​വും ക​ട​ന്നു​കി​ട്ടാ​ന്‍ വ​ല​യു​ക​യാ​ണ്. പാ​ലം ഇ​റ​ങ്ങി​യാ​ലും ക​ടു​ത്ത ഗ​താ​ഗ​ത കു​രു​ക്കി​ലൂ​ടെ മ​ണി​ക്കൂ​റു​ക​ളോ​ളം റോ​ഡി​ല്‍ നി​ര​ങ്ങി വേ​ണം വാ​ഹ​ന​യാ​ത്ര​ക്കാ​ര്‍​ക്ക് തേ​വ​ര വ​രെ എ​ത്താ​ന്‍.

രാ​വി​ലെ​യും വൈ​കു​ന്നേ​ര​ങ്ങ​ളി​ലു​മാ​ണ് ഏ​റെ ബു​ദ്ധി​മു​ട്ട് നേ​രി​ടു​ന്ന​ത്. മ​ണി​ക്കു​റു​ക​ളോ​ളം ഗ​താ​ഗ​ത​ക്കു​രു​ക്കി​ല്‍ കി​ട​ന്ന് സ​മ​യം വൈ​കി​യാ​ണ് ഏ​റെ പേ​രും ജോ​ലി സ്ഥ​ല​ങ്ങ​ളി​ലും മ​റ്റും എ​ത്തു​ന്ന​ത്. സ​മ​യ​ക്ര​മം പാ​ലി​ക്കാ​ന്‍ ക​ഴി​യാ​ത്ത​തി​നാ​ല്‍ സ്വ​കാ​ര്യ ബ​സു​ക​ളു​ടെ സ​ര്‍​വീ​സു​ക​ള്‍ തെ​റ്റി. തി​ര​ക്കു​ള്ള സ​മ​യ​ത്തു​പോ​ലും ബ​സു​ക​ള്‍ ട്രി​പ്പു​ക​ള്‍ റ​ദ്ദാ​ക്കേ​ണ്ടി​വ​രു​ന്ന​തി​നാ​ല്‍ യാ​ത്ര​ക്കാ​രും വ​ല​യു​ക​യാ​ണ്.


പ്ര​ധാ​ന റോ​ഡ് അ​ട​ഞ്ഞ​തോ​ടെ, ഫോ​ര്‍​ട്ട്‌​കൊ​ച്ചി ഫെ​റി വ​ഴി എ​റ​ണാ​കു​ളം ന​ഗ​ര​ത്തി​ലേ​ക്ക് എ​ത്താ​നും ജ​നം ശ്ര​മി​ക്കു​ന്നു​ണ്ട്. ഫെ​റി​യി​ല്‍ വ​ലി​യ തി​ര​ക്കാ​ണി​പ്പോ​ള്‍. ഇ​വി​ടെ​യും വാ​ഹ​ന​ങ്ങ​ള്‍​ക്ക് മ​ണി​ക്കൂ​റു​ക​ളോ​ളം കി​ട​ക്കേ​ണ്ടി​വ​രു​ന്നു. ര​ണ്ട് പാ​ല​ങ്ങ​ളും ഒ​രേ സ​മ​യ​ത്ത് അ​ട​ച്ചി​ട്ട​തും, ജോ​ലി​ക​ള്‍ ഒ​രു​മാ​സം​വ​രെ നീ​ളു​മെ​ന്ന് പ​റ​യു​ന്ന​തും വ​ലി​യ പ്ര​തി​ഷേ​ധ​ത്തി​നി​ട​യാ​ക്കി​യി​ട്ടു​ണ്ട്. ദു​രി​തം ഒ​രു​മാ​സം നീ​ളു​മെ​ന്ന​തി​ല്‍ ക​ടു​ത്ത പ്ര​തി​ഷേ​ധ​ത്തി​ലാ​ണ് യാ​ത്ര​ക്കാ​ര്‍.