കൊച്ചി: പള്ളുരുത്തി സ്നേഹഭവൻ ഡോൺ ബോസ്കോയും ഡൽഹി "യാർ " ഫോറവും സംയുക്തമായി ത്രിദിന ദേശീയ സെമിനാർ (യാർ) ഇടക്കൊച്ചി ആൽഫാ പാസ്റ്ററൽ സെന്ററിൽ നടത്തി. "അപകട സാധ്യതയിലുള്ള കുട്ടികളുടെയും യുവാക്കളുടെയും സംരക്ഷണം കുടുംബ സ്ഥാപന ശാക്തീകരണത്തിലൂടെ' എന്ന വിഷയത്തിലുള്ള സെമിനാർ, സ്നേഹഭവൻ ഡോൺ ബോസ്കോയുടെ സുവർണ ജൂബിലിയോടനുബന്ധിച്ചാണു സംഘടിപ്പിച്ചത്.
"യാർ " ദേശീയ അധ്യക്ഷൻ ഫാ. സാന്തിയാഗോ തോമസ് ഉദ്ഘാടനം ചെയ്തു. ഡോൺബോസ്കോ ബംഗളൂരു വൈസ് പ്രൊവിൻഷ്യൽ ഫാ. ഷാൽബിൻ കാളഞ്ചേരി അധ്യക്ഷത വഹിച്ചു. സാമൂഹ്യ പ്രവർത്തകൻ ഡോ. എം.പി. ആന്റണി മുഖ്യപ്രഭാഷണം നടത്തി. സ്നേഹ ഭവൻ എക്സിക്യൂട്ടീവ് ഡയറക്ടർ ഫാ. പി.ഡി. തോമസ്, ഫാ. ജോ പ്രഭു, ഫാ. പാട്രിക് ലെപ്ച, ഫാ. പി.ഡി ജോൺ തുടങ്ങിയവർ പ്രസംഗിച്ചു. ദേശീയ സാമൂഹ്യ പ്രവർത്തക അവാർഡുകൾ ചടങ്ങിൽ വിതരണം ചെയ്തു. സ്നേഹഭവനിലെ കുട്ടികളുടെ കലാപരിപാടികളും ഉണ്ടായിരുന്നു.